ויעמד ויקרא אל מערכת ישראל ויאמר להם למה תצאו לערך מלחמה הלוא אנכי הפלשתי ואתם עבדים לשאול ברו לכם איש וירד אלי׃

ותערך ישראל ופלשתים מערכה לקראת מערכה׃

ויכו מהם אנשי העי כשלשים וששה איש וירדפום לפני השער עד השברים ויכום במורד וימס לבב העם ויהי למים׃

ויאמר יהושע אהה אדני יהוה למה העברת העביר את העם הזה את הירדן לתת אתנו ביד האמרי להאבידנו ולו הואלנו ונשב בעבר הירדן׃

אף זנחת ותכלימנו ולא תצא בצבאותינו׃

תשיבנו אחור מני צר ומשנאינו שסו למו׃

כי אכל את יעקב ואת נוהו השמו׃

אל תזכר לנו עונת ראשנים מהר יקדמונו רחמיך כי דלונו מאד׃

ויחר אף יהוה בעמו ויתעב את נחלתו׃

ויתנם ביד גוים וימשלו בהם שנאיהם׃

נחפשה דרכינו ונחקרה ונשובה עד יהוה׃