ותרא אביגיל את דוד ותמהר ותרד מעל החמור ותפל לאפי דוד על פניה ותשתחו ארץ׃

ויאמרו שלום לעבדך לאבינו עודנו חי ויקדו וישתחו׃

ויבא מפיבשת בן יהונתן בן שאול אל דוד ויפל על פניו וישתחו ויאמר דוד מפיבשת ויאמר הנה עבדך׃

ויקח שמואל את פך השמן ויצק על ראשו וישקהו ויאמר הלוא כי משחך יהוה על נחלתו לנגיד׃

וישק יעקב לרחל וישא את קלו ויבך׃

ויהי כשמע לבן את שמע יעקב בן אחתו וירץ לקראתו ויחבק לו וינשק לו ויביאהו אל ביתו ויספר ללבן את כל הדברים האלה׃

וינשק לכל אחיו ויבך עליהם ואחרי כן דברו אחיו אתו׃

ויעבר כל העם את הירדן והמלך עבר וישק המלך לברזלי ויברכהו וישב למקמו׃

ויבכו כלם בכי גדול ויפלו על צוארי פולוס וינשקו לו׃

ויכרת יהונתן ודוד ברית באהבתו אתו כנפשו׃

צר לי עליך אחי יהונתן נעמת לי מאד נפלאתה אהבתך לי מאהבת נשים׃