אין המלך נושע ברב חיל גבור לא ינצל ברב כח׃

שקר הסוס לתשועה וברב חילו לא ימלט׃

כי לא בקשתי אבטח וחרבי לא תושיעני׃

כי הושעתנו מצרינו ומשנאינו הבישות׃

אין חכמה ואין תבונה ואין עצה לנגד יהוה׃

סוס מוכן ליום מלחמה וליהוה התשועה׃

ואת בית יהודה ארחם והושעתים ביהוה אלהיהם ולא אושיעם בקשת ובחרב ובמלחמה בסוסים ובפרשים׃

ויאמר יהונתן אל הנער נשא כליו לכה ונעברה אל מצב הערלים האלה אולי יעשה יהוה לנו כי אין ליהוה מעצור להושיע ברב או במעט׃

ויאמר הקשיבו כל יהודה וישבי ירושלם והמלך יהושפט כה אמר יהוה לכם אתם אל תיראו ואל תחתו מפני ההמון הרב הזה כי לא לכם המלחמה כי לאלהים׃

לא לכם להלחם בזאת התיצבו עמדו וראו את ישועת יהוה עמכם יהודה וירושלם אל תיראו ואל תחתו מחר צאו לפניהם ויהוה עמכם׃

יהוה צבאות עמנו משגב לנו אלהי יעקב סלה׃

למרבה המשרה ולשלום אין קץ על כסא דוד ועל ממלכתו להכין אתה ולסעדה במשפט ובצדקה מעתה ועד עולם קנאת יהוה צבאות תעשה זאת׃

ויען ויאמר אלי לאמר זה דבר יהוה אל זרבבל לאמר לא בחיל ולא בכח כי אם ברוחי אמר יהוה צבאות׃

ועתה מה נאמר על זאת אם האלהים לנו מי יריב אתנו׃

אבל בכל אלה גברנו מאד על ידי האהב אתנו׃