ויאהב יעקב את רחל ויאמר אעבדך שבע שנים ברחל בתך הקטנה׃

ויאמר לבן טוב תתי אתה לך מתתי אתה לאיש אחר שבה עמדי׃

מלא שבע זאת ונתנה לך גם את זאת בעבדה אשר תעבד עמדי עוד שבע שנים אחרות׃

מצא אשה מצא טוב ויפק רצון מיהוה׃

בית והון נחלת אבות ומיהוה אשה משכלת׃

אשת חיל מי ימצא ורחק מפנינים מכרה׃

בטח בה לב בעלה ושלל לא יחסר׃

ואכרה לי בחמשה עשר כסף וחמר שערים ולתך שערים׃

ויברח יעקב שדה ארם ויעבד ישראל באשה ובאשה שמר׃

האנשים אהבו את נשיכם כאשר גם המשיח אהב את העדה ויתן את נפשו בעדה׃

והיה הבכור אשר תלד יקום על שם אחיו המת ולא ימחה שמו מישראל׃

וישמעו הכנעני וכל ישבי הארץ ונסבו עלינו והכריתו את שמנו מן הארץ ומה תעשה לשמך הגדול׃

פני יהוה בעשי רע להכרית מארץ זכרם׃

יהיו נגד יהוה תמיד ויכרת מארץ זכרם׃

ויהי כחול זרעך וצאצאי מעיך כמעתיו לא יכרת ולא ישמד שמו מלפני׃

והיה ביום ההוא נאם יהוה צבאות אכרית את שמות העצבים מן הארץ ולא יזכרו עוד וגם את הנביאים ואת רוח הטמאה אעביר מן הארץ׃

ואעידה לי עדים נאמנים את אוריה הכהן ואת זכריהו בן יברכיהו׃

ואקרב אל הנביאה ותהר ותלד בן ויאמר יהוה אלי קרא שמו מהר שלל חש בז׃

ואמרתם על מה על כי יהוה העיד בינך ובין אשת נעוריך אשר אתה בגדתה בה והיא חברתך ואשת בריתך׃

האישות תיקר בכל וערש יצועכם אל יחלל את הזנים ואת המנאפים ידין אלהים׃