ויאמר אליו האלהים בחלם גם אנכי ידעתי כי בתם לבבך עשית זאת ואחשך גם אנכי אותך מחטו לי על כן לא נתתיך לנגע אליה׃

חנני חנני אתם רעי כי יד אלוה נגעה בי׃

אל תגעו במשיחי ולנביאי אל תרעו׃

כן הבא אל אשת רעהו לא ינקה כל הנגע בה׃

ולענים מה שכתבתם אלי הנה טוב לאדם שלא יגע באשה׃

ידענו כי כל הנולד מאת האלהים לא יחטא כי אשר ילד מאת האלהים ישמר את נפשו והרע לא יגע בו׃

ותאמר שתה אדני ותמהר ותרד כדה על ידה ותשקהו׃

ותמהר ותער כדה אל השקת ותרץ עוד אל הבאר לשאב ותשאב לכל גמליו׃

והמשקה את אחד הקטנים האלה רק כוס מים קרים לשם תלמיד אמן אמר אני לכם כי לא יאבד שכרו׃

ותבא אשה משמרון לשאב מים ויאמר אליה ישוע תני נא לי לשתות׃

ותאמר אליו האשה השמרונית הן יהודי אתה ואיככה תשאל ממני לשתות ואנכי אשה שמרונית כי לא יתערבו היהודים עם השמרונים׃

ותאמר אליו האשה אדני הן אין לך כלי לשאב בו והבאר עמקה ומאין לך אפוא מים חיים׃