וגם יד יהוה היתה בם להמם מקרב המחנה עד תמם׃

בכל אשר יצאו יד יהוה היתה בם לרעה כאשר דבר יהוה וכאשר נשבע יהוה להם ויצר להם מאד׃

וישלחו ויאספו את כל סרני פלשתים ויאמרו שלחו את ארון אלהי ישראל וישב למקמו ולא ימית אתי ואת עמי כי היתה מהומת מות בכל העיר כבדה מאד יד האלהים שם׃

חנני חנני אתם רעי כי יד אלוה נגעה בי׃

כי יומם ולילה תכבד עלי ידך נהפך לשדי בחרבני קיץ סלה׃

כי חציך נחתו בי ותנחת עלי ידך׃

נאלמתי לא אפתח פי כי אתה עשית׃

הסר מעלי נגעך מתגרת ידך אני כליתי׃