BethYeshoua - publications et enseignements

Juges 21:4

ויהי ממחרת וישכימו העם ויבנו שם מזבח ויעלו עלות ושלמים׃

Génèse 33:20

ויצב שם מזבח ויקרא לו אל אלהי ישראל׃

Josué 22:10

ויבאו אל גלילות הירדן אשר בארץ כנען ויבנו בני ראובן ובני גד וחצי שבט המנשה שם מזבח על הירדן מזבח גדול למראה׃

Josué 22:26-28

ונאמר נעשה נא לנו לבנות את המזבח לא לעולה ולא לזבח׃

כי עד הוא בינינו וביניכם ובין דרותינו אחרינו לעבד את עבדת יהוה לפניו בעלותינו ובזבחינו ובשלמינו ולא יאמרו בניכם מחר לבנינו אין לכם חלק ביהוה׃

ונאמר והיה כי יאמרו אלינו ואל דרתינו מחר ואמרנו ראו את תבנית מזבח יהוה אשר עשו אבותינו לא לעולה ולא לזבח כי עד הוא בינינו וביניכם׃

Génèse 22:14

ויקרא אברהם שם המקום ההוא יהוה יראה אשר יאמר היום בהר יהוה יראה׃

Exode 17:15

ויבן משה מזבח ויקרא שמו יהוה נסי׃

Jérémie 23:6

בימיו תושע יהודה וישראל ישכן לבטח וזה שמו אשר יקראו יהוה צדקנו׃

Jérémie 33:16

בימים ההם תושע יהודה וירושלם תשכון לבטח וזה אשר יקרא לה יהוה צדקנו׃

Ezechiel 48:35

סביב שמנה עשר אלף ושם העיר מיום יהוה שמה׃

Juges 8:32

וימת גדעון בן יואש בשיבה טובה ויקבר בקבר יואש אביו בעפרה אבי העזרי׃