ויאמר לו יהוה שלום לך אל תירא לא תמות׃

ויאמר שלום לכם אל תיראו אלהיכם ואלהי אביכם נתן לכם מטמון באמתחתיכם כספכם בא אלי ויוצא אלהם את שמעון׃

ויבא האיש את האנשים ביתה יוסף ויתן מים וירחצו רגליהם ויתן מספוא לחמריהם׃

ואמרתם כה לחי ואתה שלום וביתך שלום וכל אשר לך שלום׃

ורוח לבשה את עמשי ראש השלושים לך דויד ועמך בן ישי שלום שלום לך ושלום לעזרך כי עזרך אלהיך ויקבלם דויד ויתנם בראשי הגדוד׃

ולכל בית אשר תבאו שם אמרו בראשונה שלום לבית הזה׃

והיה כי יהיה שם בן שלום ונח עליו שלומכם ואם לא אליכם ישוב׃

שלום אניח לכם את שלומי אתן לכם לא כאשר יתן העולם אנכי נתן לכם אל יבהל לבבכם ואל יחת׃

חסד לכם ושלום מאת האלהים אבינו ואדנינו ישוע המשיח׃

השתתפו בצרכי הקדושים רדפו הכנסת ארחים׃

המלמד בדבר יחלק מכל טובו למלמדהו׃

הכנסת ארחים אל תשכחו כי יש אשר הכניסו בה מלאכים ולא ידעו׃

אח או אחות אם יהיו בעירם ובחסר לחם יומם׃

ואיש מכם יאמר אליהם לכו לשלום והתחממו ושבעו ולא תתנו להם די מחסור גופם מה תועיל זאת׃

היו מארחים איש את רעהו בבלי תלנות׃

בני אל נא נאהב במלין ובלשון כי אם בפעל ובאמת׃

ויאמר הנה נא אדני סורו נא אל בית עבדכם ולינו ורחצו רגליכם והשכמתם והלכתם לדרככם ויאמרו לא כי ברחוב נלין׃

ויפצר בם מאד ויסרו אליו ויבאו אל ביתו ויעש להם משתה ומצות אפה ויאכלו׃

ויאמר בוא ברוך יהוה למה תעמד בחוץ ואנכי פניתי הבית ומקום לגמלים׃

ויישם לפניו לאכל ויאמר לא אכל עד אם דברתי דברי ויאמר דבר׃