ותאמר דלילה אל שמשון הנה התלת בי ותדבר אלי כזבים עתה הגידה נא לי במה תאסר׃

ויאמר שאול אל מיכל למה ככה רמיתני ותשלחי את איבי וימלט ותאמר מיכל אל שאול הוא אמר אלי שלחני למה אמיתך׃

ויאמר דוד לאחימלך הכהן המלך צוני דבר ויאמר אלי איש אל ידע מאומה את הדבר אשר אנכי שלחך ואשר צויתך ואת הנערים יודעתי אל מקום פלני אלמוני׃

ועתה מה יש תחת ידך חמשה לחם תנה בידי או הנמצא׃

ויאמר אכיש אל פשטתם היום ויאמר דוד על נגב יהודה ועל נגב הירחמאלי ואל נגב הקיני׃

שפת אמת תכון לעד ועד ארגיעה לשון שקר׃

לא נאוה לנבל שפת יתר אף כי לנדיב שפת שקר׃

ולא נעשה כדבר מחרפינו ומקצת מוציאי דבה עלינו לאמר הנה אמרים נעשה הרע למען יצא הטוב אשר דינם יבא עליהם בצדק׃

אל תתעו לא יתן אלהים להתל בו כי מה שזרע האדם אתו יקצר׃

ואל תשקרו איש בעמיתו כי פשטתם את האדם הישן עם פעלותיו׃