Nombres 21:25-30
25
ויקח ישראל את כל הערים האלה וישב ישראל בכל ערי האמרי בחשבון ובכל בנתיה׃
26
כי חשבון עיר סיחן מלך האמרי הוא והוא נלחם במלך מואב הראשון ויקח את כל ארצו מידו עד ארנן׃
27
על כן יאמרו המשלים באו חשבון תבנה ותכונן עיר סיחון׃
28
כי אש יצאה מחשבון להבה מקרית סיחן אכלה ער מואב בעלי במות ארנן׃
29
אוי לך מואב אבדת עם כמוש נתן בניו פליטם ובנתיו בשבית למלך אמרי סיחון׃
30
ונירם אבד חשבון עד דיבון ונשים עד נפח אשר עד מידבא׃
Deutéronome 2:24
קומו סעו ועברו את נחל ארנן ראה נתתי בידך את סיחן מלך חשבון האמרי ואת ארצו החל רש והתגר בו מלחמה׃
Deutéronome 3:2
ויאמר יהוה אלי אל תירא אתו כי בידך נתתי אתו ואת כל עמו ואת ארצו ועשית לו כאשר עשית לסיחן מלך האמרי אשר יושב בחשבון׃
Deutéronome 3:6
ונחרם אותם כאשר עשינו לסיחן מלך חשבון החרם כל עיר מתם הנשים והטף׃
Josué 12:2
סיחון מלך האמרי היושב בחשבון משל מערוער אשר על שפת נחל ארנון ותוך הנחל וחצי הגלעד ועד יבק הנחל גבול בני עמון׃
Josué 12:5
ומשל בהר חרמון ובסלכה ובכל הבשן עד גבול הגשורי והמעכתי וחצי הגלעד גבול סיחון מלך חשבון׃
Josué 13:10
וכל ערי סיחון מלך האמרי אשר מלך בחשבון עד גבול בני עמון׃
Deutéronome 2:36
מערער אשר על שפת נחל ארנן והעיר אשר בנחל ועד הגלעד לא היתה קריה אשר שגבה ממנו את הכל נתן יהוה אלהינו לפנינו׃
Juges 3:11
ותשקט הארץ ארבעים שנה וימת עתניאל בן קנז׃
Juges 3:30
ותכנע מואב ביום ההוא תחת יד ישראל ותשקט הארץ שמונים שנה׃
Juges 5:31
כן יאבדו כל אויביך יהוה ואהביו כצאת השמש בגברתו ותשקט הארץ ארבעים שנה׃
Juges 8:28
ויכנע מדין לפני בני ישראל ולא יספו לשאת ראשם ותשקט הארץ ארבעים שנה בימי גדעון׃
Juges 9:22
וישר אבימלך על ישראל שלש שנים׃
Juges 10:2
וישפט את ישראל עשרים ושלש שנה וימת ויקבר בשמיר׃
Juges 10:3
ויקם אחריו יאיר הגלעדי וישפט את ישראל עשרים ושתים שנה׃
Juges 10:8
וירעצו וירצצו את בני ישראל בשנה ההיא שמנה עשרה שנה את כל בני ישראל אשר בעבר הירדן בארץ האמרי אשר בגלעד׃
Josué 11:18
ימים רבים עשה יהושע את כל המלכים האלה מלחמה׃
Josué 23:1
ויהי מימים רבים אחרי אשר הניח יהוה לישראל מכל איביהם מסביב ויהושע זקן בא בימים׃