ואהי מת והנני חי לעולמי עולמים אמן ובידי מפתחות שאול ומות׃

וכל בריה אשר בשמים ובארץ ומתחת לארץ ואשר על הים וכל אשר בהם את כלם שמעתי אמרים לאמר לישב על הכסא ולשה הברכה וההדר והכבוד והעז לעולמי עולמים׃

ותאמרנה ארבע החיות אמן ועשרים וארבעה הזקנים נפלו על פניהם וישתחוו לחי עולמי העולמים׃

ועשרים וארבעה הזקנים וארבע החיות נפלו על פניהם וישתחוו לאלהים הישב על הכסא ויאמרו אמן הללויה׃

ברוך יהוה אלהי ישראל מהעולם ועד העולם אמן ואמן׃

וברוך שם כבודו לעולם וימלא כבודו את כל הארץ אמן ואמן׃

ברוך יהוה לעולם אמן ואמן׃

ברוך יהוה אלהי ישראל מן העולם ועד העולם ואמר כל העם אמן הללו יה׃

ואל תביאנו לידי נסיון כי אם חלצנו מן הרע כי לך הממלכה והגבורה והתפארת לעולמי עולמים אמן׃

לאלהים אשר לו לבדו החכמה המושיע אתנו לו הכבוד והגדלה והעז והממשלה מעתה ולעולמי עד אמן׃

קראים בקול גדול נאה לשה הטבוח לקחת עז ועשר וחכמה וגבורה והדר וכבוד וברכה׃

וכל בריה אשר בשמים ובארץ ומתחת לארץ ואשר על הים וכל אשר בהם את כלם שמעתי אמרים לאמר לישב על הכסא ולשה הברכה וההדר והכבוד והעז לעולמי עולמים׃

והלוים ישוע בנוי קדמיאל שרביה יהודה מתניה על הידות הוא ואחיו׃

כי בימי דויד ואסף מקדם ראש המשררים ושיר תהלה והדות לאלהים׃

זבח לאלהים תודה ושלם לעליון נדריך׃

נקדמה פניו בתודה בזמרות נריע לו׃

באו שעריו בתודה חצרתיו בתהלה הודו לו ברכו שמו׃

ויזבחו זבחי תודה ויספרו מעשיו ברנה׃

לך אזבח זבח תודה ובשם יהוה אקרא׃

ענו ליהוה בתודה זמרו לאלהינו בכנור׃

כי נחם יהוה ציון נחם כל חרבתיה וישם מדברה כעדן וערבתה כגן יהוה ששון ושמחה ימצא בה תודה וקול זמרה׃

והיתה לי לשם ששון לתהלה ולתפארת לכל גויי הארץ אשר ישמעו את כל הטובה אשר אנכי עשה אתם ופחדו ורגזו על כל הטובה ועל כל השלום אשר אנכי עשה לה׃

קול ששון וקול שמחה קול חתן וקול כלה קול אמרים הודו את יהוה צבאות כי טוב יהוה כי לעולם חסדו מבאים תודה בית יהוה כי אשיב את שבות הארץ כבראשנה אמר יהוה׃

ואני בקול תודה אזבחה לך אשר נדרתי אשלמה ישועתה ליהוה׃

כי כל זאת למענכם למען אשר ירבה החסד על ידי רבים ותפרץ התודה לכבוד האלהים׃

למען תעשירו בכל לכל התמימות הפעלת תודה לאלהים על ידינו׃

כי שרות העבודה הזאת לא לבד ימלא את מחסרי הקדושים כי גם יודו רבים לאלהים בשרותכם הנאמן הזה׃

משרשים ונבנים בו וקימים באמונה כאשר למדתם ומרבים בתודה בה׃

וכל אשר תעשו הן במלין הן בפעל עשו בשם האדון ישוע והודו לאלהים אבינו על ידי׃