ויתפש את התנין את הנחש הקדמוני הוא המלשין והוא השטן ויאסרהו לאלף שנים׃

וארא את השמים נפתחים והנה סוס לבן והרכב עליו נקרא נאמן ואמתי ובצדק הוא שפט ולחם׃

חללה לך מעשת כדבר הזה להמית צדיק עם רשע והיה כצדיק כרשע חללה לך השפט כל הארץ לא יעשה משפט׃

ויהוה לעולם ישב כונן למשפט כסאו׃

והוא ישפט תבל בצדק ידין לאמים במישרים׃

עצת עני תבישו כי יהוה מחסהו׃

מי יתן מציון ישועת ישראל בשוב יהוה שבות עמו יגל יעקב ישמח ישראל׃

מלך אלהים על גוים אלהים ישב על כסא קדשו׃

צדק ומשפט מכון כסאך חסד ואמת יקדמו פניך׃

ענן וערפל סביביו צדק ומשפט מכון כסאו׃

והיה כי יבוא בן האדם בכבודו וכל המלאכים הקדשים עמו וישב על כסא כבודו׃

לכן עתה אחרי עבר אלהים על ימות הסכלות מצוה הוא את כל בני האדם בכל אפסי ארץ כי שוב ישובו׃

יען אשר שת יום לשפט תבל בצדק על ידי איש אשר הפקידו ויתן עדות נאמנה לכלם בהקימו אתו מן המתים׃

ובקשי לבבך הממאן לשוב תצבר לך עברה אל יום עברת האלהים ועת הגלות צדקת משפטו׃

והשמים משו כספר נגלל וכל הר ואי הנתקו ממקומם׃

וינס כל אי וההרים לא נמצאו׃

וארא שמים חדשים וארץ חדשה כי השמים הראשנים והארץ הראשונה עברו והים איננו עוד׃

ראיתי את הארץ והנה תהו ובהו ואל השמים ואין אורם׃

ראיתי והנה אין האדם וכל עוף השמים נדדו׃

באדין דקו כחדה פרזלא חספא נחשא כספא ודהבא והוו כעור מן אדרי קיט ונשא המון רוחא וכל אתר לא השתכח להון ואבנא די מחת לצלמא הות לטור רב ומלת כל ארעא׃

השמים והארץ יעברו ודברי לא יעברון׃

גם השמים והארץ אשר לפנינו נצפנו בדברו והם שמורים לאש ליום הדין ואבד אנשי הרשע׃

בא יבא יום יהוה כגנב בלילה אז השמים בשאון יחלפו והיסדות יבערו והתמגגו והארץ והמעשים אשר עליה ישרפו׃

ולחכות לבא יום יהוה ולהחיש אתו אשר בגללו השמים ימוגו באש והיסדות יבערו ונמסו׃

ולא התחזקו וגם מקומם לא נמצא עוד בשמים׃

המרגיז ארץ ממקומה ועמודיה יתפלצון׃