ויבכו ויספדו עליה מלכי ארץ אשר זנו והתענגו עמה בראתם את עשן שרפתה׃

ומרחוק יעמדו מפני אימת ענויה ואמרו אוי אוי לך בבל העיר הגדולה העיר החזקה כי בשעה אחת בא משפטך׃

וישתחוו לתנין אשר נתן ממשלה לחיה וישתחוו לחיה ויאמרו מי ידמה לחיה ומי יוכל להלחם אתה׃

מי יעץ זאת על צר המעטירה אשר סחריה שרים כנעניה נכבדי ארץ׃

יהוה צבאות יעצה לחלל גאון כל צבי להקל כל נכבדי ארץ׃

והיתה בבל לגלים מעון תנים שמה ושרקה מאין יושב׃

והשמיעו עליך בקולם ויזעקו מרה ויעלו עפר על ראשיהם באפר יתפלשו׃

ונשאו אליך בניהם קינה וקוננו עליך מי כצור כדמה בתוך הים׃