25
אניות תרשיש שרותיך מערבך ותמלאי ותכבדי מאד בלב ימים׃
24
המה רכליך במכללים בגלומי תכלת ורקמה ובגנזי ברמים בחבלים חבשים וארזים במרכלתך׃
23
חרן וכנה ועדן רכלי שבא אשור כלמד רכלתך׃
22
רכלי שבא ורעמה המה רכליך בראש כל בשם ובכל אבן יקרה וזהב נתנו עזבוניך׃
21
ערב וכל נשיאי קדר המה סחרי ידך בכרים ואילים ועתודים בם סחריך׃
20
דדן רכלתך בבגדי חפש לרכבה׃
19
ודן ויון מאוזל בעזבוניך נתנו ברזל עשות קדה וקנה במערבך היה׃
18
דמשק סחרתך ברב מעשיך מרב כל הון ביין חלבון וצמר צחר׃
17
יהודה וארץ ישראל המה רכליך בחטי מנית ופנג ודבש ושמן וצרי נתנו מערבך׃
16
ארם סחרתך מרב מעשיך בנפך ארגמן ורקמה ובוץ וראמת וכדכד נתנו בעזבוניך׃
15
בני דדן רכליך איים רבים סחרת ידך קרנות שן והובנים השיבו אשכרך׃
14
מבית תוגרמה סוסים ופרשים ופרדים נתנו עזבוניך׃
13
יון תבל ומשך המה רכליך בנפש אדם וכלי נחשת נתנו מערבך׃
12
תרשיש סחרתך מרב כל הון בכסף ברזל בדיל ועופרת נתנו עזבוניך׃
11
בני ארוד וחילך על חומותיך סביב וגמדים במגדלותיך היו שלטיהם תלו על חומותיך סביב המה כללו יפיך׃
10
פרס ולוד ופוט היו בחילך אנשי מלחמתך מגן וכובע תלו בך המה נתנו הדרך׃
9
זקני גבל וחכמיה היו בך מחזיקי בדקך כל אניות הים ומלחיהם היו בך לערב מערבך׃
8
ישבי צידון וארוד היו שטים לך חכמיך צור היו בך המה חבליך׃
7
שש ברקמה ממצרים היה מפרשך להיות לך לנס תכלת וארגמן מאיי אלישה היה מכסך׃
6
אלונים מבשן עשו משוטיך קרשך עשו שן בת אשרים מאיי כתים׃
5
ברושים משניר בנו לך את כל לחתים ארז מלבנון לקחו לעשות תרן עליך׃
