Apocalypse 18:3
כי מיין חמת זנותה שתו כל הגוים ומלכי ארץ זנו עמה וסחרי ארץ משפעת תענגיה העשירו׃
Apocalypse 18:9
ויבכו ויספדו עליה מלכי ארץ אשר זנו והתענגו עמה בראתם את עשן שרפתה׃
Apocalypse 18:15
ורכליהם אשר העשירו ממנה יעמדו מרחוק מפני אימת ענויה ובכו והתאבלו׃
Apocalypse 18:20
רנו עליה השמים והשליחים הקדשים והנביאים כי שפט אלהים את משפטכם ממנה׃
Apocalypse 18:23
ואור נר לא יאיר לך עוד וקול חתן וקול כלה לא ישמע בך עוד כי כנעניך היו נכבדי ארץ ובכשפיך תעו כל הגוים׃
Apocalypse 13:16
ותעש כי כלם למקטן ועד גדול אם אביון ואם עשיר גם בני החרים גם העבדים יתוו תו על די ימינם או על מצחתם׃
Apocalypse 13:17
וכי לא יוכל איש לקנות או למכר כי אם בהיות עליו תו החיה או שמה או מספר שמה׃
Esaïe 23:1-15
1
משא צר הילילו אניות תרשיש כי שדד מבית מבוא מארץ כתים נגלה למו׃
2
דמו ישבי אי סחר צידון עבר ים מלאוך׃
3
ובמים רבים זרע שחר קציר יאור תבואתה ותהי סחר גוים׃
4
בושי צידון כי אמר ים מעוז הים לאמר לא חלתי ולא ילדתי ולא גדלתי בחורים רוממתי בתולות׃
5
כאשר שמע למצרים יחילו כשמע צר׃
6
עברו תרשישה הילילו ישבי אי׃
7
הזאת לכם עליזה מימי קדם קדמתה יבלוה רגליה מרחוק לגור׃
8
מי יעץ זאת על צר המעטירה אשר סחריה שרים כנעניה נכבדי ארץ׃
9
יהוה צבאות יעצה לחלל גאון כל צבי להקל כל נכבדי ארץ׃
10
עברי ארצך כיאר בת תרשיש אין מזח עוד׃
11
ידו נטה על הים הרגיז ממלכות יהוה צוה אל כנען לשמד מעזניה׃
12
ויאמר לא תוסיפי עוד לעלוז המעשקה בתולת בת צידון כתיים קומי עברי גם שם לא ינוח לך׃
13
הן ארץ כשדים זה העם לא היה אשור יסדה לציים הקימו בחיניו עררו ארמנותיה שמה למפלה׃
14
הילילו אניות תרשיש כי שדד מעזכן׃
15
והיה ביום ההוא ונשכחת צר שבעים שנה כימי מלך אחד מקץ שבעים שנה יהיה לצר כשירת הזונה׃
Esaïe 47:15
כן היו לך אשר יגעת סחריך מנעוריך איש לעברו תעו אין מושיעך׃
Ezechiel 26:17-21
17
ונשאו עליך קינה ואמרו לך איך אבדת נושבת מימים העיר ההללה אשר היתה חזקה בים היא וישביה אשר נתנו חתיתם לכל יושביה׃
18
עתה יחרדו האין יום מפלתך ונבהלו האיים אשר בים מצאתך׃
19
כי כה אמר אדני יהוה בתתי אתך עיר נחרבת כערים אשר לא נושבו בהעלות עליך את תהום וכסוך המים הרבים׃
20
והורדתיך את יורדי בור אל עם עולם והושבתיך בארץ תחתיות כחרבות מעולם את יורדי בור למען לא תשבי ונתתי צבי בארץ חיים׃
21
בלהות אתנך ואינך ותבקשי ולא תמצאי עוד לעולם נאם אדני יהוה׃
Ezechiel 27:27-36
27
הונך ועזבוניך מערבך מלחיך וחבליך מחזיקי בדקך וערבי מערבך וכל אנשי מלחמתך אשר בך ובכל קהלך אשר בתוכך יפלו בלב ימים ביום מפלתך׃
28
לקול זעקת חבליך ירעשו מגרשות׃
29
וירדו מאניותיהם כל תפשי משוט מלחים כל חבלי הים אל הארץ יעמדו׃
30
והשמיעו עליך בקולם ויזעקו מרה ויעלו עפר על ראשיהם באפר יתפלשו׃
31
והקריחו אליך קרחה וחגרו שקים ובכו אליך במר נפש מספד מר׃
32
ונשאו אליך בניהם קינה וקוננו עליך מי כצור כדמה בתוך הים׃
33
בצאת עזבוניך מימים השבעת עמים רבים ברב הוניך ומערביך העשרת מלכי ארץ׃
34
עת נשברת מימים במעמקי מים מערבך וכל קהלך בתוכך נפלו׃
35
כל ישבי האיים שממו עליך ומלכיהם שערו שער רעמו פנים׃
36
סחרים בעמים שרקו עליך בלהות היית ואינך עד עולם׃
Sophonie 1:11
הילילו ישבי המכתש כי נדמה כל עם כנען נכרתו כל נטילי כסף׃
Sophonie 1:18
גם כספם גם זהבם לא יוכל להצילם ביום עברת יהוה ובאש קנאתו תאכל כל הארץ כי כלה אך נבהלה יעשה את כל ישבי הארץ׃
Proverbes 3:14
כי טוב סחרה מסחר כסף ומחרוץ תבואתה׃
Matthieu 22:5
והם לא שתו לבם לזאת וילכו להם זה אל שדהו וזה אל מסחרו׃
Jean 2:16
ואל מכרי היונים אמר הוציאו אלה מזה ואל תעשו את בית אבי לבית מסחר׃
2 Pierre 2:3
ובדברי בדוי יעשו אתכם למחסר להם למען בצע בצע אשר משפטם מעולם לא יתמהמה ושברם לא ינום׃