1 Jean 3:4
כל העשה חטא גם פשע בתורה הוא והחטא הוא פשע בתורה׃
Deutéronome 5:32
ושמרתם לעשות כאשר צוה יהוה אלהיכם אתכם לא תסרו ימין ושמאל׃
Deutéronome 12:32
את כל הדבר אשר אנכי מצוה אתכם אתו תשמרו לעשות לא תסף עליו ולא תגרע ממנו׃
1 Jean 5:16
איש כי יראה את אחיו חוטא חטאת אשר לא למות שאל ישאל בעדו ויתן לו חיים לכל אשר חטאו לא למות הן יש חטא למות על זה לא אמר לשאל בעדו׃
Esaïe 1:18
לכו נא ונוכחה יאמר יהוה אם יהיו חטאיכם כשנים כשלג ילבינו אם יאדימו כתולע כצמר יהיו׃
Ezechiel 18:26-32
26
בשוב צדיק מצדקתו ועשה עול ומת עליהם בעולו אשר עשה ימות׃
27
ובשוב רשע מרשעתו אשר עשה ויעש משפט וצדקה הוא את נפשו יחיה׃
28
ויראה וישוב מכל פשעיו אשר עשה חיו יחיה לא ימות׃
29
ואמרו בית ישראל לא יתכן דרך אדני הדרכי לא יתכנו בית ישראל הלא דרכיכם לא יתכן׃
30
לכן איש כדרכיו אשפט אתכם בית ישראל נאם אדני יהוה שובו והשיבו מכל פשעיכם ולא יהיה לכם למכשול עון׃
31
השליכו מעליכם את כל פשעיכם אשר פשעתם בם ועשו לכם לב חדש ורוח חדשה ולמה תמתו בית ישראל׃
32
כי לא אחפץ במות המת נאם אדני יהוה והשיבו וחיו׃
Romains 5:20
אבל התורה נכנסה למען ירבה הפשע ובאשר רבה החטא עדף ממנו החסד׃
Romains 5:21
למען כאשר מלך החטא במות ככה ימלך גם החסד על ידי הצדקה לחיי עולם בישוע המשיח אדנינו׃
Jacques 1:15
ואחרי כן הרתה התאות ותלד חטא והחטא כי נשלם יוליד את המות׃
Jacques 4:7-10
7
לכן הכנעו לאלהים התיצבו נגד השטן ויברח מפניכם׃
8
קרבו לאלהים ויקרב אליכם רחצו ידיכם החטאים טהרו לבבכם חלוקי הלבב׃
9
התענו והתאבלו ובכו שחקכם יהפך לאבל ושמחתכם ליגון׃
10
הכנעו לפני יהוה והוא ירים אתכם׃