כל המאמין כי ישוע הוא המשיח הנה זה ילד מאלהים וכל האהב את מולידו יאהב גם את הנולד מאתו׃

כי ככה אהב האלהים את העולם עד אשר נתן את בנו את יחידו למען לא יאבד כל המאמין בו כי אם יחיה חיי עולמים׃

סוד יהוה ליראיו ובריתו להודיעם׃

כי תועבת יהוה נלוז ואת ישרים סודו׃

והרוח ההוא מעיד ברוחנו כי בני אלהים אנחנו׃

ויען כי בנים אתם שלח האלהים בלבבכם את רוח בנו הקורא אבא אבינו׃

כי מתם וחייכם צפונים עם המשיח באלהים׃

ועתה דבר הנבואה יותר קים אתנו והטיבתם עשות אשר שתם לבכם אליו כמו אל נר מאיר במקום אפל עד כי יבקע אור היום וזרח כוכב הנגה בלבבכם׃

מי אשר אזן לו ישמע את אשר הרוח אמר לקהלות המנצח אאכילנו מן המן הגנוז ונתתי לו אבן לבנה ועל האבן מפתח שם חדש אשר לא ידענו איש זולתי המקבל׃

ונתתי לו כוכב השחר׃

ואם נאמר כי לא חטאנו לכזב נשימנו ודברו אין בנו׃

לא איש אל ויכזב ובן אדם ויתנחם ההוא אמר ולא יעשה ודבר ולא יקימנה׃

ואם לא אפו מי יכזיבני וישם לאל מלתי׃

מי האמין לשמעתנו וזרוע יהוה על מי נגלתה׃

למה היה כאבי נצח ומכתי אנושה מאנה הרפא היו תהיה לי כמו אכזב מים לא נאמנו׃

ואשר קבל עדותו חתום חתם כי האלהים אמת׃

ודברו איננו שכן בקרבכם כי אינכם מאמינים לשלוחו׃

ראו עתה אחי פן יש באחד מכם לב רע וחסר אמונה לסור מאלהים חיים׃