אהובי אם ככה אהב אתנו האלהים גם אנחנו חיבים לאהבה איש את רעהו׃

כי זאת היא השמועה אשר שמעתם מראש לאהבה איש את רעהו׃

אנחנו ידענו כי עברנו מן המות אל החיים על כי נאהב את אחינו איש אשר לא יאהב את אחיו ישאר במות׃

בני אל נא נאהב במלין ובלשון כי אם בפעל ובאמת׃

וזאת היא מצותו להאמין בשם בנו ישוע המשיח ולאהבה איש את רעהו כאשר צונו׃

לא תקם ולא תטר את בני עמך ואהבת לרעך כמוך אני יהוה׃

ויאמר ישוע אליו ואהבת את יהוה אלהיך בכל לבבך ובכל נפשך ובכל מדעך׃

והשנית דומה לה ואהבת לרעך כמוך׃

ויען ישוע וידבר אליו הראשנה לכל המצות היא שמע ישראל יהוה אלהינו יהוה אחד׃

והשנית הדמה לה היא ואהבת לרעך כמוך ואין מצוה גדולה מאלה׃

ולאהבה אתו בכל לבב ובכל מדע ובכל נפש ובכל מאד ולאהבה את הרע כנפשו גדולה היא מכל עלות וזבחים׃

ויאמר העשה עמו את החסד ויאמר אליו ישוע לך ועשה כן גם אתה׃

מצוה חדשה אני נתן לכם כי תאהבו איש את אחיו כאשר אהבתי אתכם כן גם אתם איש את אחיו תאהבון׃

בזאת ידעו כלם כי תלמידי אתם בהיות אהבה ביניכם׃

הנה זאת מצותי כי תאהבון איש את אחיו כאשר אהבתיכם׃

האהבה תהיה בלי חנפה שנאו את הרע ודבקו בטוב׃

באהבת אחים הראו חבה יתרה ובכבוד הקדימו איש את רעהו׃

כי מצות לא תנאף לא תרצח לא תגנב לא תענה עד שקר לא תחמד ועוד כאלה כלולות הנה במאמר הזה ואהבת לרעך כמוך׃

האהבה לא תרע לרע על כן האהבה קיום התורה כלה׃

כי במשיח איננה נחשבת לא המילה ולא הערלה כי אם האמונה הפעלת באהבה׃

כי כל התורה כלולה במצוה אחת והיא ואהבת לרעך כמוך׃

ועל אהבת האחים אין צרך לכתב אליכם הלא אף אתם למודי יהוה לאהבה איש את רעהו׃

וסוף דבר היו כלכם לב אחד בעלי חמלה אהבי האחים רחמנים ומתקבלים על הבריות׃

ולפני כל דבר אהבו איש את אחיו אהבה חזקה כי על רב פשעים תכסה האהבה׃