אם נאמר כי יש לנו התחברות עמו ונתהלך בחשך הננו כזבים ופעלתנו איננה אמת׃

ואם נאמר כי לא חטאנו לכזב נשימנו ודברו אין בנו׃

וידעתם כי הוא נגלה לשאת את חטאינו ובו אין חטא׃

כל העמד בו לא יחטא כל החוטא לא ראהו גם לא ידעו׃

כי יחטאו לך כי אין אדם אשר לא יחטא ואנפת בם ונתתם לפני אויב ושבום שביהם אל ארץ האויב רחוקה או קרובה׃

כי יחטאו לך כי אין אדם אשר לא יחטא ואנפת בם ונתתם לפני אויב ושבום שוביהם אל ארץ רחוקה או קרובה׃

אמנם ידעתי כי כן ומה יצדק אנוש עם אל׃

מי יתן טהור מטמא לא אחד׃

מה אנוש כי יזכה וכי יצדק ילוד אשה׃

ומה יצדק אנוש עם אל ומה יזכה ילוד אשה׃

ואל תבוא במשפט את עבדך כי לא יצדק לפניך כל חי׃

מי יאמר זכיתי לבי טהרתי מחטאתי׃

כי אדם אין צדיק בארץ אשר יעשה טוב ולא יחטא׃

כלנו כצאן תעינו איש לדרכו פנינו ויהוה הפגיע בו את עון כלנו׃

ונהי כטמא כלנו וכבגד עדים כל צדקתינו ונבל כעלה כלנו ועוננו כרוח ישאנו׃

כי אם תכבסי בנתר ותרבי לך ברית נכתם עונך לפני נאם אדני יהוה׃

איך תאמרי לא נטמאתי אחרי הבעלים לא הלכתי ראי דרכך בגיא דעי מה עשית בכרה קלה משרכת דרכיה׃

כי כלם חטאו וחסרי כבוד אלהים המה׃

כי כלנו מרבים להכשל ואשר לא יכשל בדבור הוא איש תמים וביכלתו לשום רסן גם לכל גופו׃

אל ירמה איש את עצמו והחשב את עצמו חכם בעולם הזה יהי לסכל למען יחכם׃

כי החשב את עצמו להיות מה ואיננו מאומה את נפשו הוא מרמה׃

ואנשים רעים וקסמים יוסיפו סרה מתעים ונתעים׃

והיו עשי הדבר ולא שמעיו לבד לרמות את נפשכם׃

איש מכם אם ידמה להיות עבד אלהים ואיננו שם רסן ללשנו כי אם מתעה הוא את לבבו עבדתו אך לריק תהיה׃

אשר עדנת יומם לענג יחשבו מטנפים ומום בם המתפנקים במדוחי נפשם ואכלים ושתים עמכם׃

האמר הכרתיו ואת מצותיו לא ישמר כזב הוא והאמת אין בו׃

וכוחי הבל של אנשים נשחתי דעת ומחסרי אמת השמים את החסידות לדבר בצע סור מאנשים כאלה׃

למען האמת העמדת בקרבנו וגם תהיה עמנו לעולם׃

כי שמחתי למאד כאשר באו אחים ויעידו על אמתך אשר מתהלך באמת אתה׃