תורת יהוה תמימה משיבת נפש עדות יהוה נאמנה מחכימת פתי׃

יראת יהוה טהורה עומדת לעד משפטי יהוה אמת צדקו יחדו׃

לתורה ולתעודה אם לא יאמרו כדבר הזה אשר אין לו שחר׃

קרבו ריבכם יאמר יהוה הגישו עצמותיכם יאמר מלך יעקב׃

הגידו האתיות לאחור ונדעה כי אלהים אתם אף תיטיבו ותרעו ונשתעה ונרא יחדו׃

ויאמר אברהם יש להם משה והנביאים אליהם ישמעון׃

ויאמר אליו אם לא ישמעו אל משה ואל הנביאים גם כי יקום אחד מן המתים לא יאמינו׃

דרשו בכתובים אשר תחשבו שיש לכם חיי עולמים בהם והמה המעידים עלי׃

ואלה היו נדיבים מאנשי תסלוניקי ויקבלו את הדבר בכל לב וידרשו בכתובים יום יום לדעת אם כן הוא הדבר׃

אשר תרחקו מזבחי אלילים ומן הדם ומבשר הנחנק ומן הזנות אם מאלה תשמרו את נפשתיכם תיטיבו לעשות ושלום לכם׃

הן בקימכם את המצוה המלכת על כלן כפי הכתוב ואהבת לרעך כמוך תיטיבו לעשות׃

אשר העידו על אהבתך בפני הקהל ואף תיטיב לעשות בלותך אתם כאשר יאתה לפני אלהים׃

נר לרגלי דברך ואור לנתיבתי׃

כי נר מצוה ותורה אור ודרך חיים תוכחות מוסר׃

העם ההלכים בחשך ראו אור גדול ישבי בארץ צלמות אור נגה עליהם׃

קומי אורי כי בא אורך וכבוד יהוה עליך זרח׃

כי הנה החשך יכסה ארץ וערפל לאמים ועליך יזרח יהוה וכבודו עליך יראה׃

העם ההלכים בחשך ראו אור גדול וישבי בארץ צלמות אור נגה עליהם׃

ברחמי חסד אלהינו אשר בהם פקדנו הנגה ממרום׃

להאיר לישבי חשך וצלמות ולהכין את רגלינו אל דרך השלום׃

הוא בא לעדות להעיד על האור למען יאמינו כלם על ידו׃

האור האמתי המאיר לכל אדם היה בא אל העולם׃

הוא היה הנר הדלק והמאיר ואתם רציתם לשוש כשעה לאורו׃

ויסף ישוע וידבר אליהם לאמר אני אור העולם כל ההלך אחרי לא יתהלך בחשכה כי אור החיים יהיה לו׃

על כן אל יהי חלקכם עמהם׃

כי מלפנים הייתם חשך ועתה הנכם אור באדנינו התהלכו נא כבני אור׃

אשר אלהי העולם הזה עור בהם את דעות הסוררים לבלתי זרח להם נגה בשורת כבוד המשיח אשר הוא צלם האלהים׃

כי האלהים אשר אמר ויפע אור מחשך הוא הופיע בלבנו להפיץ אור דעת כבוד האלהים אשר בפני המשיח׃

המאמין בבן האלהים יש לו העדות בנפשו ואשר לא יאמין לאלהים לכזב שמהו יען לא האמין בעדות אשר העיד האלהים על בנו׃

ונתתי לו כוכב השחר׃

אני ישוע שלחתי את מלאכי להעיד לכם את אלה בפני הקהלות אנכי שרש דוד ותולדתו כוכב נגה השחר׃