איש היה בארץ עוץ איוב שמו והיה האיש ההוא תם וישר וירא אלהים וסר מרע׃

ויאמר יהוה אל השטן השמת לבך אל עבדי איוב כי אין כמהו בארץ איש תם וישר ירא אלהים וסר מרע ועדנו מחזיק בתמתו ותסיתני בו לבלעו חנם׃

ויאמר לאדם הן יראת אדני היא חכמה וסור מרע בינה׃

סור מרע ועשה טוב בקש שלום ורדפהו׃

סור מרע ועשה טוב ושכן לעולם׃

אל תהי חכם בעיניך ירא את יהוה וסור מרע׃

בחסד ואמת יכפר עון וביראת יהוה סור מרע׃

מסלת ישרים סור מרע שמר נפשו נצר דרכו׃

רחצו הזכו הסירו רע מעלליכם מנגד עיני חדלו הרע׃

למדו היטב דרשו משפט אשרו חמוץ שפטו יתום ריבו אלמנה׃

ואל תביאנו לידי נסיון כי אם חלצנו מן הרע כי לך הממלכה והגבורה והתפארת לעולמי עולמים אמן׃

ולא אעתיר לך אשר תקחם מן העולם רק שתצרם מן הרע׃

היטיבה יהוה לטובים ולישרים בלבותם׃

למען תהיו בנים לאביכם שבשמים אשר הוא מזריח שמשו לרעים ולטובים וממטיר על הצדיקים וגם על הרשעים׃

כי העניים תמיד עמכם וכשתרצו תוכלו להיטיב להם ואנכי לא אהיה אתכם תמיד׃

ויאמר אליהם ישוע אשאלה אתכם דבר הנכון בשבת להיטיב אם להרע להציל נפש אם לאבד׃

אבל אהבו את איביכם והיטיבו והלוו מבלי תוחלת ויהי שכרכם רב והייתם בני עליון כי טוב הוא גם לשכחי טובה ולרעים׃

כי אינני עשה הטוב אשר אני רצה בו כי אם הרע אשר אינני רצה בו אותו אני עשה׃

ובכן מצא אני בי זה החק אנכי רצה לעשות הטוב ודבק בי הרע׃

לכן כאשר העת בידנו נעשה נא את הטוב עם כל אדם וביותר עם בני אמונתנו׃

ויגמלו טוב ויעשירו במעשים טובים לתת מהונם ולעזר לזולתם׃

ואל תשכחו לגמל חסד ולתת לאביונים כי זבחים כאלה יערבו לאלהים׃

לכן היודע לעשות הטוב ולא יעשנו והיה בו חטא׃

חביבי אל תרדף הרעה כי אם הטוב העשה טוב הוא מאלהים והעשה רע לא ראה את האלהים׃

רבת שכנה לה נפשי עם שונא שלום׃

אני שלום וכי אדבר המה למלחמה׃

אשרי רדפי שלום כי בני אלהים יקראו׃

להאיר לישבי חשך וצלמות ולהכין את רגלינו אל דרך השלום׃

לכן אחרי נצדקנו באמונה שלום לנו עם האלהים באדנינו ישוע המשיח׃

כי מחשבת הבשר היא המות ומחשבת הרוח היא החיים והשלום׃

אם תוכלו ככל אשר תמצא ידכם היו בשלום עם כל אדם׃

כי מלכות האלהים איננה אכילה ושתיה כי צדקה היא ושלום ושמחה ברוח הקדש׃

ועתה נרדפה דרך השלום ודרך הבנות יחד איש מרעהו׃

ופרי הרוח אהבה שמחה ושלום ארך רוח ונדיבות וחסד ואמונה׃

וישלט בלבבכם שלום האלהים אשר נקראתם לו בגוף אחד וזבחו תודה׃

רדפו את השלום עם כל אדם ואת הקדשה אשר בלעדיה לא יראה איש את האדון׃

אבל החכמה אשר ממעל בראשונה צנועה היא אף אהבת שלום ומכרעת לכף זכות ואיננה עמדת על דעתה ומלאה רחמים ופרי טוב בלא לב ולב ובלי חנפה׃

ופרי הצדקה בשלום יזרע לעשי השלום׃