הנבחרים מקדם כפי דעת אלהים האב בקדוש הרוח אל משמעת ישוע המשיח ואל הזית דמו חסד ושלום למכביר יהיו לכם׃

רק באבתיך חשק יהוה לאהבה אותם ויבחר בזרעם אחריהם בכם מכל העמים כיום הזה׃

זרע יעבדנו יספר לאדני לדור׃

אשרי הגוי אשר יהוה אלהיו העם בחר לנחלה לו׃

אם אמרתי אספרה כמו הנה דור בניך בגדתי׃

ואתה ישראל עבדי יעקב אשר בחרתיך זרע אברהם אהבי׃

ועתה שמע יעקב עבדי וישראל בחרתי בו׃

ועתה אם שמוע תשמעו בקלי ושמרתם את בריתי והייתם לי סגלה מכל העמים כי לי כל הארץ׃

ואתם תהיו לי ממלכת כהנים וגוי קדוש אלה הדברים אשר תדבר אל בני ישראל׃

ואתם כהני יהוה תקראו משרתי אלהינו יאמר לכם חיל גוים תאכלו ובכבודם תתימרו׃

וגם מהם אקח לכהנים ללוים אמר יהוה׃

ויעש אתנו למלכים וכהנים לאלהים אביו הכבוד והעז לעולמי עולמים אמן׃

ותעש אתם מלכים וכהנים לאלהינו וימלכו על הארץ׃

אשרי האיש וקדוש הוא אשר חלקו לקום בתחיה הראשונה באלה לא ישלט המות השני כי אם יהיו כהנים לאלהים ולמשיחו וימלכו אתו אלף שנים׃

לראות בטובת בחיריך לשמח בשמחת גויך להתהלל עם נחלתך׃

פתחו שערים ויבא גוי צדיק שמר אמנים׃

והתקדשתי בעדם למען יהיו גם הם מקדשים באמת׃

ואיש אשר ישחית את היכל אלהים האלהים ישחית אתו כי היכל אלהים קדוש ואתם הנכם קדושים׃

אשר הוא הושיענו וקראנו בקריאה קדושה לא לפי מעשינו כי אם לפי עצתו וחסדו הנתן לנו במשיח ישוע לפני ימות עולם׃

ואתכם לקח יהוה ויוצא אתכם מכור הברזל ממצרים להיות לו לעם נחלה כיום הזה׃

כי עם קדוש אתה ליהוה אלהיך בך בחר יהוה אלהיך להיות לו לעם סגלה מכל העמים אשר על פני האדמה׃

כי עם קדוש אתה ליהוה אלהיך ובך בחר יהוה להיות לו לעם סגלה מכל העמים אשר על פני האדמה׃

ויהוה האמירך היום להיות לו לעם סגלה כאשר דבר לך ולשמר כל מצותיו׃

ולתתך עליון על כל הגוים אשר עשה לתהלה ולשם ולתפארת ולהיתך עם קדש ליהוה אלהיך כאשר דבר׃

לכן שמרו את נפשותיכם ואת כל העדר אשר הקים אתכם רוח הקדש לפקידים בו לרעות את עדת האלהים אשר קנה לו בדם נפשו׃

כי זה ערבון ירשתנו לפדות לו עם סגלה לתהלת כבודו׃

אשר נתן את נפשו בעדנו לגאלנו מכל עול ולטהר לו עם סגלה הזריז במעשים טובים׃

איש כי ידבר יהי כאמרי אל ואיש כי יעזר תהי עזרתו מתוך החיל אשר חננו אלהים למען יכבד אלהים בכל על ידי ישוע המשיח אשר לו הכבוד והעז לעולמי עולמים אמן׃

עם זו יצרתי לי תהלתי יספרו׃

קומי אורי כי בא אורך וכבוד יהוה עליך זרח׃

והלכו גוים לאורך ומלכים לנגה זרחך׃

כן יאר אורכם לפני בני האדם למען יראו מעשיכם הטובים ושבחו את אביכים שבשמים׃

לתהלת כבוד חסדו אשר נתן אתנו בידידו׃

לו הכבוד בקרב הקהל במשיח ישוע לדר ודר עד עולמי עולמים אמן׃

למען תהיו נקיים וטהורים בני אלהים לא מום בם בתוך דור עקש ופתלתל אשר תאירו ביניהם כמאורת בעולם׃

מחזיקים בדבר החיים לתהלה לי ביום המשיח אשר לא לחנם רצתי ולא לריק יגעתי׃

העם ההלכים בחשך ראו אור גדול ישבי בארץ צלמות אור נגה עליהם׃

קומי אורי כי בא אורך וכבוד יהוה עליך זרח׃

כי הנה החשך יכסה ארץ וערפל לאמים ועליך יזרח יהוה וכבודו עליך יראה׃

העם ההלכים בחשך ראו אור גדול וישבי בארץ צלמות אור נגה עליהם׃

להאיר לישבי חשך וצלמות ולהכין את רגלינו אל דרך השלום׃

ויאמר אגרפס אל פולוס עוד מעט ופתיתני להיות נצרי׃

והם אנחנו אשר קראם לא מן היהודים בלבד כי אף מן הגוים׃

כי מלפנים הייתם חשך ועתה הנכם אור באדנינו התהלכו נא כבני אור׃

ובחנו מה הוא רצוי בעיני אדנינו׃

וארדף את מטרת שכר הנצחון אשר הוא בקריאה של מעלה מאת האלהים במשיח ישוע׃

אשר הוא חלצנו מממשלת החשך והעבירנו למלכות בן אהבתו׃

אבל אתם אחי אינכם בחשך שישיג אתכם היום כגנב׃

לכן אל נא נרדם כמו האחרים כי אם נשקד וננזר׃

ואנחנו בני היום ננזרה נא ונלבש את שריון האמונה והאהבה וככובע את תקות הישועה׃