כנולדים מחדש לא מזרע נשחת כי אם מזרע לא ישחת במאמר אלהים החי והקים לעולם׃

ויאמר אמן אמר אני לכם אם לא תשובו להיות כילדים לא תבוא אל מלכות השמים׃

אמן אמר אני לכם כל אשר לא יקבל את מלכות האלהים כילד הוא לא יבא בה׃

לכן נקברנו אתו בטבילה למות למען כאשר נעור המשיח מן המתים בכבוד האב כן נתהלך גם אנחנו בחיים מחדשים׃

ואני לא יכלתי לדבר עמכם אחי כעם רוחניים כי עודכם של הבשר וכמו עוללים במשיח׃

אחי אל תהיו ילדים בבינה רק לרע היו עללים ובבינה היו שלמים׃

תורת יהוה תמימה משיבת נפש עדות יהוה נאמנה מחכימת פתי׃

יראת יהוה טהורה עומדת לעד משפטי יהוה אמת צדקו יחדו׃

חלב השקיתי אתכם ולא מאכל כי אז לא יכלתם וגם עתה לא תוכלו יען היתכם עוד של הבשר׃

כי תחת אשר היה ראוי לכם לפי ארך הזמן להיות מלמדים עתה מן הצרך לשוב וללמד אתכם עקרי ראשית דברי אלהים ונצרכתם לחלב ולא למאכל בריא׃

כי כל אשר מאכלו חלב איננו מבין בדבר צדק כי עודנו עולל׃

כי לא כן ביתי עם אל כי ברית עולם שם לי ערוכה בכל ושמרה כי כל ישעי וכל חפץ כי לא יצמיח׃

ויאחז צדיק דרכו וטהר ידים יסיף אמץ׃

וארח צדיקים כאור נגה הולך ואור עד נכון היום׃

ונדעה נרדפה לדעת את יהוה כשחר נכון מצאו ויבוא כגשם לנו כמלקוש יורה ארץ׃

אהיה כטל לישראל יפרח כשושנה ויך שרשיו כלבנון׃

ישבו ישבי בצלו יחיו דגן ויפרחו כגפן זכרו כיין לבנון׃

וזרחה לכם יראי שמי שמש צדקה ומרפא בכנפיה ויצאתם ופשתם כעגלי מרבק׃

אשר חבר בו יחד הבנין כלו עדי יגבה להיכל קדש ליהוה׃

כי אם נדבר האמת באהבה ונגדלה בכל דבר לו למשיח שהוא הראש׃

חיבים אנחנו להודות בכל עת לאלהים עליכם אחי כראוי כי אמונתכם גדלה מאד ורבה אהבת כלכם איש לרעהו׃

ורבו בחסד ובדעת אדנינו ומושיענו ישוע המשיח אשר לו הכבוד גם היום וגם ליום העולם אמן׃