כי גם המשיח ענה פעם אחת על חטאתינו הצדיק בעד הרשעים לקרב אתנו אל האלהים הומת לפי הבשר ויחי ברוח׃

אשר בו הלך ויקרא גם לרוחות אשר במשמר׃

ואתם אינכם בבשר כי אם ברוח אם אמנם רוח האלהים שכן בקרבכם כי מי שאין בו רוח המשיח איננו שלו׃

ויען כי בנים אתם שלח האלהים בלבבכם את רוח בנו הקורא אבא אבינו׃

כי מעולם לא יצאה נבואה ברצון האדם כי אם ברוח הקדש אשר נשאם דברו אנשי אלהים הקדושים׃

ואפל לפני רגליו להשתחות לו ויאמר אלי ראה אל תעשה זאת עבד כמוך אנכי וחבר לך ולאחיך אשר להם עדות ישוע השתחוה לאלהים כי עדות ישוע היא רוח הנבואה׃

למנצח על אילת השחר מזמור לדוד אלי אלי למה עזבתני רחוק מישועתי דברי שאגתי׃

ואתה קדוש יושב תהלות ישראל׃

אליך זעקו ונמלטו בך בטחו ולא בושו׃

כל ראי ילעגו לי יפטירו בשפה יניעו ראש׃

כי אתה גחי מבטן מבטיחי על שדי אמי׃

אל תרחק ממני כי צרה קרובה כי אין עוזר׃

פצו עלי פיהם אריה טרף ושאג׃

יבש כחרש כחי ולשוני מדבק מלקוחי ולעפר מות תשפתני׃

אספר כל עצמותי המה יביטו יראו בי׃

ואתה יהוה אל תרחק אילותי לעזרתי חושה׃

הושיעני מפי אריה ומקרני רמים עניתני׃

למנצח על שושנים לדוד הושיעני אלהים כי באו מים עד נפש׃

יגעתי בקראי נחר גרוני כלו עיני מיחל לאלהי׃

אלהים אתה ידעת לאולתי ואשמותי ממך לא נכחדו׃

כי עליך נשאתי חרפה כסתה כלמה פני׃

כי קנאת ביתך אכלתני וחרפות חורפיך נפלו עלי׃

ואתנה לבושי שק ואהי להם למשל׃

ואני תפלתי לך יהוה עת רצון אלהים ברב חסדך ענני באמת ישעך׃

אל תשטפני שבלת מים ואל תבלעני מצולה ואל תאטר עלי באר פיה׃

ואל תסתר פניך מעבדך כי צר לי מהר ענני׃

אתה ידעת חרפתי ובשתי וכלמתי נגדך כל צוררי׃

ויתנו בברותי ראש ולצמאי ישקוני חמץ׃

שיר מזמור לבני קרח למנצח על מחלת לענות משכיל להימן האזרחי יהוה אלהי ישועתי יום צעקתי בלילה נגדך׃

כי שבעה ברעות נפשי וחיי לשאול הגיעו׃

במתים חפשי כמו חללים שכבי קבר אשר לא זכרתם עוד והמה מידך נגזרו׃

עלי סמכה חמתך וכל משבריך ענית סלה׃

עיני דאבה מני עני קראתיך יהוה בכל יום שטחתי אליך כפי׃

היספר בקבר חסדך אמונתך באבדון׃

ואני אליך יהוה שועתי ובבקר תפלתי תקדמך׃

עני אני וגוע מנער נשאתי אמיך אפונה׃

סבוני כמים כל היום הקיפו עלי יחד׃

הנה ישכיל עבדי ירום ונשא וגבה מאד׃

כאשר שממו עליך רבים כן משחת מאיש מראהו ותארו מבני אדם׃

מי האמין לשמעתנו וזרוע יהוה על מי נגלתה׃

נבזה וחדל אישים איש מכאבות וידוע חלי וכמסתר פנים ממנו נבזה ולא חשבנהו׃

והוא מחלל מפשענו מדכא מעונתינו מוסר שלומנו עליו ובחברתו נרפא לנו׃

נגש והוא נענה ולא יפתח פיו כשה לטבח יובל וכרחל לפני גזזיה נאלמה ולא יפתח פיו׃

ויתן את רשעים קברו ואת עשיר במתיו על לא חמס עשה ולא מרמה בפיו׃

שבעים שבעים נחתך על עמך ועל עיר קדשך לכלא הפשע ולחתם חטאות ולכפר עון ולהביא צדק עלמים ולחתם חזון ונביא ולמשח קדש קדשים׃

ואחרי השבעים ששים ושנים יכרת משיח ואין לו והעיר והקדש ישחית עם נגיד הבא וקצו בשטף ועד קץ מלחמה נחרצת שממות׃

חרב עורי על רעי ועל גבר עמיתי נאם יהוה צבאות הך את הרעה ותפוצין הצאן והשבתי ידי על הצערים׃

ויאמר אליהם הוי חסרי דעת וכבדי לב מהאמין בכל אשר דברו הנביאים׃

ויחל ממשה ומכל הנביאים ויבאר להם את כל הכתובים הנאמרים עליו׃

ואיבה אשית בינך ובין האשה ובין זרעך ובין זרעה הוא ישופך ראש ואתה תשופנו עקב׃

לא יסור שבט מיהודה ומחקק מבין רגליו עד כי יבא שילה ולו יקהת עמים׃

אספרה שמך לאחי בתוך קהל אהללך׃

כי לא בזה ולא שקץ ענות עני ולא הסתיר פניו ממנו ובשועו אליו שמע׃

יאכלו ענוים וישבעו יהללו יהוה דרשיו יחי לבבכם לעד׃

כי ליהוה המלוכה ומשל בגוים׃

זרע יעבדנו יספר לאדני לדור׃

אהללה שם אלהים בשיר ואגדלנו בתודה׃

ראו ענוים ישמחו דרשי אלהים ויחי לבבכם׃

יהללוהו שמים וארץ ימים וכל רמש בם׃

וזרע עבדיו ינחלוה ואהבי שמו ישכנו בה׃

לדוד מזמור נאם יהוה לאדני שב לימיני עד אשית איביך הדם לרגליך׃

עמך נדבת ביום חילך בהדרי קדש מרחם משחר לך טל ילדתיך׃

אדני על ימינך מחץ ביום אפו מלכים׃

כי ילד ילד לנו בן נתן לנו ותהי המשרה על שכמו ויקרא שמו פלא יועץ אל גבור אביעד שר שלום׃

למרבה המשרה ולשלום אין קץ על כסא דוד ועל ממלכתו להכין אתה ולסעדה במשפט ובצדקה מעתה ועד עולם קנאת יהוה צבאות תעשה זאת׃

ויאמר נקל מהיותך לי עבד להקים את שבטי יעקב ונצירי ישראל להשיב ונתתיך לאור גוים להיות ישועתי עד קצה הארץ׃

מעמל נפשו יראה ישבע בדעתו יצדיק צדיק עבדי לרבים ועונתם הוא יסבל׃

לכן אחלק לו ברבים ואת עצומים יחלק שלל תחת אשר הערה למות נפשו ואת פשעים נמנה והוא חטא רבים נשא ולפשעים יפגיע׃

חזה הוית עד די התגזרת אבן די לא בידין ומחת לצלמא על רגלוהי די פרזלא וחספא והדקת המון׃

באדין דקו כחדה פרזלא חספא נחשא כספא ודהבא והוו כעור מן אדרי קיט ונשא המון רוחא וכל אתר לא השתכח להון ואבנא די מחת לצלמא הות לטור רב ומלת כל ארעא׃

וביומיהון די מלכיא אנון יקים אלה שמיא מלכו די לעלמין לא תתחבל ומלכותה לעם אחרן לא תשתבק תדק ותסיף כל אלין מלכותא והיא תקום לעלמיא׃

חזה הוית בחזוי ליליא וארו עם ענני שמיא כבר אנש אתה הוה ועד עתיק יומיא מטה וקדמוהי הקרבוהי׃

ולה יהיב שלטן ויקר ומלכו וכל עממיא אמיא ולשניא לה יפלחון שלטנה שלטן עלם די לא יעדה ומלכותה די לא תתחבל׃

ויהי דבר יהוה צבאות אלי לאמר׃

כה אמר יהוה צבאות עד אשר יבאו עמים וישבי ערים רבות׃

והיה יהוה למלך על כל הארץ ביום ההוא יהיה יהוה אחד ושמו אחד׃

כזאת דבר ישעיהו בראותו את תפארתו וינבא עליו׃

והאלהים היה בעזרי ועד היום הזה עמד אני ומעיד לפני קטן וגדול ואינני מדבר דבר זולתי אשר דברו הנביאים ומשה כי עתידות הנה להיות׃

כי המשיח מענה הוא וכי ראשון הוא לקמים מן המתים להפיץ אור בעם ובגוים׃