וישקף על פני סדם ועמרה ועל כל פני ארץ הככר וירא והנה עלה קיטר הארץ כקיטר הכבשן׃

לילה ויומם לא תכבה לעולם יעלה עשנה מדור לדור תחרב לנצח נצחים אין עבר בה׃

ויבכו ויספדו עליה מלכי ארץ אשר זנו והתענגו עמה בראתם את עשן שרפתה׃

וישנו ויאמרו הללויה ועשנה יעלה לעולמי עולמים׃

ועיני רשעים תכלינה ומנוס אבד מנהם ותקותם מפח נפש׃

המה ראו כן תמהו נבהלו נחפזו׃

רעדה אחזתם שם חיל כיולדה׃

אשתוללו אבירי לב נמו שנתם ולא מצאו כל אנשי חיל ידיהם׃

ואבד מנוס מקל וחזק לא יאמץ כחו וגבור לא ימלט נפשו׃

ואמיץ לבו בגבורים ערום ינוס ביום ההוא נאם יהוה׃

ומלכי הארץ והרזנים ושרי האלפים והעשירים והתקיפים וכל עבד וכל בן חרים התחבאו במערות ובסלעי ההרים׃

כי בא יום עברתו הגדול ומי יוכל להתיצב׃