לא תעשון ככל אשר אנחנו עשים פה היום איש כל הישר בעיניו׃

כי לא באתם עד עתה אל המנוחה ואל הנחלה אשר יהוה אלהיך נתן לך׃

כי חסד חפצתי ולא זבח ודעת אלהים מעלות׃

והמה כאדם עברו ברית שם בגדו בי׃

ולו ידעתם מה הוא חסד חפצתי ולא זבח לא הרשעתם את הנקים׃

לכן אם ישמר הערל את משפטי התורה הלא תחשב לו ערלתו למילה׃

אין המילה נחשבה ואין הערלה נחשבה כי אם שמירת מצות האלהים׃

כי במשיח איננה נחשבת לא המילה ולא הערלה כי אם האמונה הפעלת באהבה׃

כי במשיח ישוע גם המילה גם הערלה אינן נחשבות כי אם בריאה חדשה׃