וימת שם משה עבד יהוה בארץ מואב על פי יהוה׃

וימת יהושע בן נון עבד יהוה בן מאה ועשר שנים׃

לא המתים יהללו יה ולא כל ירדי דומה׃

המלחמה הטובה נלחמתי את המרוצה השלמתי את האמונה שמרתי׃

ומעתה שמור לי כתר הצדקה אשר ביום ההוא יתננו לי האדון השפט הצדיק ולא לי לבדי כי גם לכל אהבי הופעתו׃

ואשמע קול מן השמים מדבר אלי כתב אשרי המתים אשר ימותו באדון מעתה אמנם כן אמר הרוח למען ינוחו מעמלם ומעשיהם הלך ילכו אחריהם׃

וישב יוסף במצרים הוא ובית אביו ויחי יוסף מאה ועשר שנים׃

וימת יוסף בן מאה ועשר שנים ויחנטו אתו ויישם בארון במצרים׃