אך בגורל יחלק את הארץ לשמות מטות אבתם ינחלו׃

על פי הגורל תחלק נחלתו בין רב למעט׃

והתנחלתם את הארץ בגורל למשפחתיכם לרב תרבו את נחלתו ולמעט תמעיט את נחלתו אל אשר יצא לו שמה הגורל לו יהיה למטות אבתיכם תתנחלו׃

ויצו משה את בני ישראל לאמר זאת הארץ אשר תתנחלו אתה בגורל אשר צוה יהוה לתת לתשעת המטות וחצי המטה׃

יהוה מנת חלקי וכוסי אתה תומיך גורלי׃

חבלים נפלו לי בנעמים אף נחלת שפרה עלי׃

בחיק יוטל את הגורל ומיהוה כל משפטו׃

מדינים ישבית הגורל ובין עצומים יפריד׃

אז יאמר המלך אל הנצבים לימינו באו ברוכי אבי ורשו את המלכות המוכנה לכם למן הוסד העולם׃