וישב יהושע בעת ההיא וילכד את חצור ואת מלכה הכה בחרב כי חצור לפנים היא ראש כל הממלכות האלה׃

מלך מדון אחד מלך חצור אחד׃

ואדמה והרמה וחצור׃

וימכרם יהוה ביד יבין מלך כנען אשר מלך בחצור ושר צבאו סיסרא והוא יושב בחרשת הגוים׃

וסיסרא נס ברגליו אל אהל יעל אשת חבר הקיני כי שלום בין יבין מלך חצור ובין בית חבר הקיני׃

וישלח אדני צדק מלך ירושלם אל הוהם מלך חברון ואל פראם מלך ירמות ואל יפיע מלך לכיש ואל דביר מלך עגלון לאמר׃

עלו אלי ועזרני ונכה את גבעון כי השלימה את יהושע ואת בני ישראל׃

למה רגשו גוים ולאמים יהגו ריק׃

ננתקה את מוסרותימו ונשליכה ממנו עבתימו׃

שיר מזמור לאסף אלהים אל דמי לך אל תחרש ואל תשקט אל׃

על עמך יערימו סוד ויתיעצו על צפוניך׃

יהוה רמה ידך בל יחזיון יחזו ויבשו קנאת עם אף אש צריך תאכלם׃

כי תעבר במים אתך אני ובנהרות לא ישטפוך כי תלך במו אש לא תכוה ולהבה לא תבער בך׃

אל תירא כי אתך אני ממזרח אביא זרעך וממערב אקבצך׃

כל הנקרא בשמי ולכבודי בראתיו יצרתיו אף עשיתיו׃