והעשיר יתהלל בשפלותו כי יעבר כציץ החציר׃

ימי קלו מני ארג ויכלו באפס תקוה׃

זכר כי רוח חיי לא תשוב עיני לראות טוב׃

וימי קלו מני רץ ברחו לא ראו טובה׃

חלפו עם אניות אבה כנשר יטוש עלי אכל׃

אדם ילוד אשה קצר ימים ושבע רגז׃

כציץ יצא וימל ויברח כצל ולא יעמוד׃

הנה טפחות נתתה ימי וחלדי כאין נגדך אך כל הבל כל אדם נצב סלה׃

זכר אני מה חלד על מה שוא בראת כל בני אדם׃

זרמתם שנה יהיו בבקר כחציר יחלף׃

כי כלינו באפך ובחמתך נבהלנו׃

כי כלו בעשן ימי ועצמותי כמו קד נחרו׃

דורי נסע ונגלה מני כאהל רעי קפדתי כארג חיי מדלה יבצעני מיום עד לילה תשלימני׃

כי כל בשר חציר וכל כבוד איש כציץ השדה יבש חציר נבל ציץ׃

הן קץ הכל קרב לכן היו צנועים וערים להתפלל׃

והחלד עבור יעבר עם תאותיו והעשה רצון אלהים יעמד לעד׃