פתי יאמין לכל דבר וערום יבין לאשרו׃

לתורה ולתעודה אם לא יאמרו כדבר הזה אשר אין לו שחר׃

נסו נא אתכם אם באמונה אתם בחנו אתכם או האינכם ידעים את נפשכם כי ישוע המשיח בכם אם לא כי נמאסים אתם׃

והזהרו פן יש בכם איש מתאחר מחסד אלהים פן יוגיעכם שרש פרה לענה ויטמאו בו רבים׃

כן דברו וכן עשו כאנשים העתידים להשפט על פי תורת החרות׃

תורת יהוה תמימה משיבת נפש עדות יהוה נאמנה מחכימת פתי׃

יראת יהוה טהורה עומדת לעד משפטי יהוה אמת צדקו יחדו׃

דרך מצותיך ארוץ כי תרחיב לבי׃

ואתהלכה ברחבה כי פקדיך דרשתי׃

לכל תכלה ראיתי קץ רחבה מצותך מאד׃

מאיבי תחכמני מצותך כי לעולם היא לי׃

מזקנים אתבונן כי פקודיך נצרתי׃

ממשפטיך לא סרתי כי אתה הורתני׃

מפקודיך אתבונן על כן שנאתי כל ארח שקר׃

ובכן התורה היא קדושה והמצוה קדושה וישרה וטובה׃

כי לפי האדם הפנימי חפצתי בתורת אלהים׃

אך ראה אני באברי חק אחר הלחם לחק שכלי ויוליכני שבי לתורת החטא אשר באברי׃

וידעתם את האמת והאמת תשימכם לבני חורין׃

לכן אם הבן יעשה אתכם בני חורין חפשים באמת תהיו׃

כי לא קבלתם רוח עבדות לשוב לירא כי אם קבלתם רוח משפט בנים אשר בו קראים אנחנו אבא אבינו׃

והאדון הוא הרוח ובאשר רוח האדון שם החרות׃

ואנחנו כלנו בפנים מגלים ראים את כבוד האדון במראה ונחלף אל עצם דמות ההיא מכבוד אל כבוד כהחלף מאת אדון הרוח׃

ועתה עמדו נא בחרות אשר שחרר אתנו המשיח ואל תשובו להלכד בעל העבדות׃

כחפשים ולא כאלו היתה לכם החפשה למכסה הרעה כי אם כעבדי אלהים׃

אם תיראו את יהוה ועבדתם אתו ושמעתם בקלו ולא תמרו את פי יהוה והיתם גם אתם וגם המלך אשר מלך עליכם אחר יהוה אלהיכם׃

ויאמר ישוע אל היהודים המאמינים בו אם תעמדו בדברי באמת תלמידי אתם׃

כאשר אהבני אבי אהבתי אתכם גם אני ואתם עמדו באהבתי׃

אם תשמרו את מצותי תעמדו באהבתי כאשר שמרתי גם אני את מצות אבי ועמדתי באהבתו׃

ויהיו שקדים על תורת השליחים ועל ההתחברות ועל בציעת הלחם ועל התפלה׃

ורבים מן היהודים ומגרי הצדק הלכו אחרי פולוס ובר נבא בהפרד הקהל והמה דברו על לבם ויזהירום לעמד בחסד האלהים׃

והאלהים היה בעזרי ועד היום הזה עמד אני ומעיד לפני קטן וגדול ואינני מדבר דבר זולתי אשר דברו הנביאים ומשה כי עתידות הנה להיות׃

למתמידים בעשות הטוב ומבקשים את הכבוד וההדר ואת אשר איננו עבד יתן את חיי העולמים׃

ועל בני המרי ואשר לא ישמעו לאמת כי אם לעולה שמעו חרון אף וחמה׃

לכן ראה נא טובת אלהים וזעמו זעמו על הנפלים ועליך טובתו אם תעמד בטובתו ואם אין כי עתה גם אתה תגדע׃

אם תעמדו מיסדים ונכונים באמונה ולא תזועו מתוחלת הבשורה אשר שמעתם ואשר נשמעה לכל הנברא תחת השמים ואני פולוס הייתי לה למשרת׃

אבל תושע בלדתה בנים אם תעמדנה באמונה ובאהבה ובקדשה עם הצניעות׃

שית לבך לנפשך ולהוראה והחזק בזה כי בעשותך כן תושיע את נפשך ואת נפש השמעים אליך׃

ואתם יקם נא בכם הדבר אשר שמעתם מראש ואם יקום בכם אשר שמעתם מראש אז גם אתם תקומו בבן ובאב׃

כי האיש אשר רק שמע את הדבר ולא עשהו נמשל לאיש מביט את תאר הויתו במראה׃

כי הביט אל מראהו וילך לו וברגע שכח מה תארו׃

גם עבדך נזהר בהם בשמרם עקב רב׃

אשרי שמרי משפט עשה צדקה בכל עת׃

אשרי נצרי עדתיו בכל לב ידרשוהו׃

אף לא פעלו עולה בדרכיו הלכו׃

כל הבא אלי ושומע את דברי ועשה אתם אורה אתכם למי הוא דומה׃

ואשר שמע ולא עשה דומה לאיש אשר בנה בית על הקרקע בלי יסוד ויפרץ בו הנהר ויפל פתאם ויגדל שבר הבית ההוא׃

והוא אמר ואף כי אשרי השמעים והשמרים את דבר האלהים׃

אם ידעתם זאת אשריכם אם כן תעשו׃

על כן אחי חביבי התכוננו בל תמוטו והעדיפו בכל עת במעשה אדנינו מדעתכם כי לא לריק עמלכם באדנינו׃

ואשמע קול מן השמים מדבר אלי כתב אשרי המתים אשר ימותו באדון מעתה אמנם כן אמר הרוח למען ינוחו מעמלם ומעשיהם הלך ילכו אחריהם׃

אשרי העשים את מצותיו למען תהיה ממשלתם בעץ החיים ובאו העירה דרך השערים׃