ויביא עזרא הכהן את התורה לפני הקהל מאיש ועד אשה וכל מבין לשמע ביום אחד לחדש השביעי׃

ויקרא בו לפני הרחוב אשר לפני שער המים מן האור עד מחצית היום נגד האנשים והנשים והמבינים ואזני כל העם אל ספר התורה׃

וילכו כל העם לאכל ולשתות ולשלח מנות ולעשות שמחה גדולה כי הבינו בדברים אשר הודיעו להם׃

וימצאו כתוב בתורה אשר צוה יהוה ביד משה אשר ישבו בני ישראל בסכות בחג בחדש השביעי׃

ויקומו על עמדם ויקראו בספר תורת יהוה אלהיהם רבעית היום ורבעית מתודים ומשתחוים ליהוה אלהיהם׃

ועתה בנים שמעו לי ואשרי דרכי ישמרו׃

אשרי אדם שמע לי לשקד על דלתתי יום יום לשמר מזוזת פתחי׃

שמר רגליך כאשר תלך אל בית האלהים וקרוב לשמע מתת הכסילים זבח כי אינם יודעים לעשות רע׃

ויאספו רבים מהרה עד אפס מקום לעמד אף מחוץ לפתח וידבר אליהם את הדבר׃

הנה דוד בעצמו קרא לו אדון ואיך הוא בנו ויאהב רב העם לשמע אתו׃

ויהי בקרב אליו כל המוכסים והחטאים לשמע אותו׃

ולא מצאו מה לעשות כי כל העם דבקו אחריו לשמע אתו׃

ויהיו שקדים על תורת השליחים ועל ההתחברות ועל בציעת הלחם ועל התפלה׃

ואמהר ואשלח אליך ואתה היטבת לעשות אשר באת אלי והננו כלנו פה לפני האלהים לשמע את כל אשר צוית מאת יהוה׃

ובצאת היהודים מבית הכנסת בקשו מהם הגוים לדבר אליהם את הדברים האלה בשבת הבאה׃

ובשבת השנית נקהלה כמעט כל העיר לשמע את דבר יהוה׃

ואלה היו נדיבים מאנשי תסלוניקי ויקבלו את הדבר בכל לב וידרשו בכתובים יום יום לדעת אם כן הוא הדבר׃

בעבור זאת גם נודה תמיד לאלהים כי אתם בקבלכם מאתנו דבר שמועת האלהים לא קבלתם אותו כדבר בני אדם כי אם כמו שהוא באמת כדבר האלהים אשר הוא גם פעל בכם המאמינים׃

איש מכם אם ידמה להיות עבד אלהים ואיננו שם רסן ללשנו כי אם מתעה הוא את לבבו עבדתו אך לריק תהיה׃

אחי אל יהיו רבים מכם למורים באשר ידעתם כי בזאת נכביד עלינו את הדין׃

כי כלנו מרבים להכשל ואשר לא יכשל בדבור הוא איש תמים וביכלתו לשום רסן גם לכל גופו׃

ברב דברים לא יחדל פשע וחשך שפתיו משכיל׃

נצר פיו שמר נפשו פשק שפתיו מחתה לו׃

לשון חכמים תיטיב דעת ופי כסילים יביע אולת׃

חושך אמריו יודע דעת וקר רוח איש תבונה׃

משיב דבר בטרם ישמע אולת היא לו וכלמה׃

מות וחיים ביד לשון ואהביה יאכל פריה׃

שמר פיו ולשונו שמר מצרות נפשו׃

אל תבהל על פיך ולבך אל ימהר להוציא דבר לפני האלהים כי האלהים בשמים ואתה על הארץ על כן יהיו דבריך מעטים׃

כי בא החלום ברב ענין וקול כסיל ברב דברים׃

וימאנו לשמע ולא זכרו נפלאתיך אשר עשית עמהם ויקשו את ערפם ויתנו ראש לשוב לעבדתם במרים ואתה אלוה סליחות חנון ורחום ארך אפים ורב וחסד ולא עזבתם׃

קצר אפים יעשה אולת ואיש מזמות ישנא׃

ארך אפים רב תבונה וקצר רוח מרים אולת׃

איש חמה יגרה מדון וארך אפים ישקיט ריב׃

טוב ארך אפים מגבור ומשל ברוחו מלכד עיר׃

פוטר מים ראשית מדון ולפני התגלע הריב נטוש׃

שכל אדם האריך אפו ותפארתו עבר על פשע׃

גרל חמה נשא ענש כי אם תציל ועוד תוסף׃

עיר פרוצה אין חומה איש אשר אין מעצר לרוחו׃

טוב אחרית דבר מראשיתו טוב ארך רוח מגבה רוח׃

אל תבהל ברוחך לכעוס כי כעס בחיק כסילים ינוח׃

אבל אני אמר לכם כל אשר יקצף על אחיו חנם מחיב הוא לבית דין ואשר יאמר אל אחיו רקא מחיב הוא לסנהדרין ואשר יאמר אתה הנבל מחיב לאש גיהנם׃

עבודת אלילים וכשוף איבות ומצות וקנאה ורגז מריבות מחלקות וכתות׃

צרות עין ושפיכות דמים ושרון וזוללות ודומיהן אשר אמר עליהן כמו שאמרתי כבר כי עשי אלה לא ינחלו מלכות האלהים׃

רגזו ואל תחטאו אל תשקע החמה על רגזכם׃

כל מרירות וחמה ורגז וצעקה וגדוף תסירו מכם עם כל הרשעה׃

אך עתה הסירו מכם כל אלה את הרגז את הכעס את הרשע את הגדוף ואת דברי נבלה מפיכם׃

וישלט בלבבכם שלום האלהים אשר נקראתם לו בגוף אחד וזבחו תודה׃