רק השמר לך ושמר נפשך מאד פן תשכח את הדברים אשר ראו עיניך ופן יסורו מלבבך כל ימי חייך והודעתם לבניך ולבני בניך׃

יום אשר עמדת לפני יהוה אלהיך בחרב באמר יהוה אלי הקהל לי את העם ואשמעם את דברי אשר ילמדון ליראה אתי כל הימים אשר הם חיים על האדמה ואת בניהם ילמדון׃

בחקתיך אשתעשע לא אשכח דברך׃

כי הייתי כנאד בקיטור חקיך לא שכחתי׃

נפשי בכפי תמיד ותורתך לא שכחתי׃

בני תורתי אל תשכח ומצותי יצר לבך׃

קנה חכמה קנה בינה אל תשכח ואל תט מאמרי פי׃

העוד לא תשכילו ולא תזכרו את חמשת ככרות הלחם לחמשת אלפי איש וכמה סלים נשאתם׃

ואת שבע ככרות לחם לארבעת אלפי איש וכמה דודים נשאתם׃

איננו פה כי קם זכרנה את אשר דבר אליכן בעוד היותו בגליל לאמר׃

ותזכרנה את דבריו׃

אם סבלים אתם מוסר דעו כי כאב עם בניו כן מתנהג אלהים עמכם כי איה הבן אשר אביו לא ייסרנו׃

מוסר יהוה בני אל תמאס ואל תקץ בתוכחתו׃

כי את אשר יאהב יהוה יוכיח וכאב את בן ירצה׃

הנה אשרי אנוש יוכחנו אלוה ומוסר שדי אל תמאס׃

כי הוא יכאיב ויחבש ימחץ וידו תרפינה׃

כי אל אל האמר נשאתי לא אחבל׃

אשרי הגבר אשר תיסרנו יה ומתורתך תלמדנו׃

יסר יסרני יה ולמות לא נתנני׃

ידעתי יהוה כי צדק משפטיך ואמונה עניתני׃

שמוע שמעתי אפרים מתנודד יסרתני ואוסר כעגל לא למד השבני ואשובה כי אתה יהוה אלהי׃

וכאשר נדון נוסר על יד האדון למען לא נחיב עם העולם׃

אשרי האיש העמד בנסיונו כי כאשר נבחן ישא עטרת החיים אשר הבטיח יהוה לאהביו׃

]12-02[ אני את כל אשר אהב אוכיחם ואיסרם לכן תשקד ותשוב, הנני עמד לפתח ודפק והיה כי ישמע איש לקולי ופתח הפתח אבוא אליו לסעוד עמו והוא עמדי׃

התבוננו אליו אשר נשא כלמת חטאים גדולה כזאת למען לא תיעפו ולא תיגעו בנפשותיכם׃

עדין לא עמדתם עד לדם במלחמתכם עם החטא׃

ויאמר יהושע אהה אדני יהוה למה העברת העביר את העם הזה את הירדן לתת אתנו ביד האמרי להאבידנו ולו הואלנו ונשב בעבר הירדן׃

וישמעו הכנעני וכל ישבי הארץ ונסבו עלינו והכריתו את שמנו מן הארץ ומה תעשה לשמך הגדול׃

חטא ישראל וגם עברו את בריתי אשר צויתי אותם וגם לקחו מן החרם וגם גנבו וגם כחשו וגם שמו בכליהם׃

ויחר אף יהוה בעזה ויכהו שם האלהים על השל וימת שם עם ארון האלהים׃

וירא דוד את יהוה ביום ההוא ויאמר איך יבוא אלי ארון יהוה׃

ויבאו עד גרן כידן וישלח עזא את ידו לאחז את הארון כי שמטו הבקר׃

ויחר לדויד כי פרץ יהוה פרץ בעזא ויקרא למקום ההוא פרץ עזא עד היום הזה׃

ולא הסיר דויד את הארון אליו אל עיר דויד ויטהו אל בית עבד אדם הגתי׃

ויאמר להם אתם ראשי האבות ללוים התקדשו אתם ואחיכם והעליתם את ארון יהוה אלהי ישראל אל הכינותי לו׃

כי למבראשונה לא אתם פרץ יהוה אלהינו בנו כי לא דרשנהו כמשפט׃

למנצח בנגינות על השמינית מזמור לדוד יהוה אל באפך תוכיחני ואל בחמתך תיסרני׃

חנני יהוה כי אמלל אני רפאני יהוה כי נבהלו עצמי׃

נחלצים אנחנו בכל ולא נדכאים דאגים ולא נואשים׃

נרדפים ולא נטושים משלכים ולא אבדים׃

ויאמר אלי די לך חסדי כי בחלשה תשלם גבורתי על כן שמח לבי להתהלל בחלשותי למען תשרה עלי גבורת המשיח׃

לכן רצתה נפשי בחלשות ובחרפות ובצרות וברדיפות ובמצוקות בעד המשיח כי כאשר חלשתי אז גבור אני׃