האתם סכלים כל כך אשר החלותם ברוח ועתה תכלו בבשר׃

הכזאת סבלתם לריק אם אמנם אך לריק׃

רק נתהלכה באשר הגענו עדיה במעגל אחד יבלב אחד׃

השמרו לכם פן תאבד ממנו פעלתנו כי אם נקח משכרתנו שלמה׃

זכר אפוא אי מזה נפלת ושובה ועשה מעשיך הראשנים ואם לא הנני בא עליך מהר ונסחתי מנורתך ממקומה אם לא תשוב׃

זכור את אשר קבלת ושמעת ושמרה זאת ושובה ואם לא תשקד הנני בא עליך כגנב ולא תדע באי זו שעה אבא עליך׃

כי אלה אשר נגה עליהם האור וטעמו ממתנת השמים ונתן להם חלקם ברוח הקדש׃

לפקח את עיניהם למען ישובו מחשך לאור ומיד השטן אל האלהים וימצאו באמונתם בי את סליחת החטאים ואת הנחלה בתוך המקדשים׃

כי האלהים אשר אמר ויפע אור מחשך הוא הופיע בלבנו להפיץ אור דעת כבוד האלהים אשר בפני המשיח׃

עדין לא עמדתם עד לדם במלחמתכם עם החטא׃

ושאול גם הוא היה רצה בהרגתו ותהי ביום ההוא רדיפה גדולה על הקהלה אשר בירושלים ויפצו כלם בערי יהודה ושמרון לבד מן השליחים׃

ושאול החריב את הקהלה וישוטט בבתים ויסחב משם אנשים ונשים ויסגירם לכלא׃

ושאול עודנו יפח זעם ורצח על תלמידי האדון ויבא אל הכהן הגדול׃

וישאל מאתו מכתבים לדמשק אל בתי הכנסיות למען אשר יאסר את אשר ימצא בדרך ההיא אנשים או נשים ויביאם ירושלים׃

כי נתן לכם בעד המשיח לא לבד להאמין בו כי אם גם להתענות בעדו׃

כי גם לכם המלחמה אשר ראיתם בי ואשר עתה שמעים אתם עלי׃

הנני מודיע אתכם גדל הקרב אשר בקרבי על אדותיכם ועל אדות אנשי לודקיא ועל כל אשר לא ראו את פני בבשר׃

וסבל הרעות כאיש חיל בצבא מלחמת ישוע המשיח׃

וגם אם נאבק איש לא יכתר אם לא יאבק כמשפט׃

בין באשר אני אמר כי האדון יתן לך חכמה בכל דבר׃

אשר בעבורה אני נשא רעות עד למוסרות כעשה עול אבל דבר האלהים איננו נאסר׃

נאמן הדבר הזה כי אם מתנו אתו גם אתו נחיה׃

אם לא נאמין הנה הוא קים באמונתו כי לכחש בעצמו לא יוכל׃

המלחמה הטובה נלחמתי את המרוצה השלמתי את האמונה שמרתי׃

ומעתה שמור לי כתר הצדקה אשר ביום ההוא יתננו לי האדון השפט הצדיק ולא לי לבדי כי גם לכל אהבי הופעתו׃