אם אצדק פי ירשיעני תם אני ויעקשני׃

מה אנוש כי יזכה וכי יצדק ילוד אשה׃

ומה יצדק אנוש עם אל ומה יזכה ילוד אשה׃

ואל תבוא במשפט את עבדך כי לא יצדק לפניך כל חי׃

אני אגיד צדקתך ואת מעשיך ולא יועילוך׃

ויען ויאמר ואהבת את יהוה אלהיך בכל לבבך ובכל נפשך ובכל מאדך ובכל מדעך ואת רעך כמוך׃

והוא חפץ להצטדק ויאמר אל ישוע ומי הוא רעי׃

יען אשר ממעשי התורה לא יצדק לפניו כל בשר כי על ידי התורה דעת החטא׃

לכן נחשב כי באמונה יצדק האדם בבלי מעשי תורה׃

אבל לאשר איננו פעל כי אם מאמין במצדיק את הרשע אמונתו תחשב לו לצדקה׃

כי בטרם ילדו בניה ועוד לא עשו טוב או רע למען תקום עצת האלהים כפי בחירתו לא מתוך מעשים כי אם כרצון הקרא׃

ועל כן אין הדבר לא ביד הרצה ולא ביד הרץ כי אם ביד האלהים המרחם׃

ועתה מה נאמר הגוים אשר לא רדפו אחרי הצדקה השיגו את הצדקה היא הצדקה אשר מתוך האמונה׃

ואם היתה זאת על ידי החסד לא היתה מתוך המעשים כי לולי כן החסד איננו עוד חסד ואם היתה מתוך המעשים איננו עוד חסד כי לולי כן המעשים יחדל להיות מעשה׃

ומדעתנו כי לא יצדק אדם מתוך מעשי התורה כי אם באמונת ישוע המשיח גם אנחנו האמנו במשיח ישוע למען נצדק מאמונת המשיח ולא ממעשי התורה כי ממעשי התורה לא יצדק כל בשר׃

והנה לאברהם נאמרו ההבטחות ולזרעו ולא אמר ולזרעיך כאלו לרבים אלא כאלו ליחיד ולזרעך והוא המשיח׃

כי אם תבוא הנחלה מתוך התורה לא תבוא עוד מתוך ההבטחה אבל את אברהם חנן האלהים על ידי הבטחה׃

והסרסר לא של אחד הוא אך האלהים הוא אחד׃

אבל האלהים המלא רחמים ברב אהבתו אשר אהב אתנו׃

כי בחסד נושעתם על ידי האמונה ולא מידכם היתה זאת כי מתת אלהים היא׃

לא מתוך המעשים שלא יתהלל איש׃

אשר הוא הושיענו וקראנו בקריאה קדושה לא לפי מעשינו כי אם לפי עצתו וחסדו הנתן לנו במשיח ישוע לפני ימות עולם׃

אמנם כאשר נגלה נעם אלהים מושיענו ורחמנותו אל האדם׃

ולך אדני חסד כי אתה תשלם לאיש כמעשהו׃

כי אתה אדני טוב וסלח ורב חסד לכל קראיך׃

ואתה אדני אל רחום וחנון ארך אפים ורב חסד ואמת׃

יחל ישראל אל יהוה כי עם יהוה החסד והרבה עמו פדות׃

מי אל כמוך נשא עון ועבר על פשע לשארית נחלתו לא החזיק לעד אפו כי חפץ חסד הוא׃

וחסדו לדור דורים על יראיו׃

תמך בישראל עבדו לזכר את רחמיו׃

לעשות חסד עם אבותינו ולזכר את ברית קדשו׃

ברחמי חסד אלהינו אשר בהם פקדנו הנגה ממרום׃

לתהלת כבוד חסדו אשר נתן אתנו בידידו׃

אשר בו לנו הפדיום בדמו וסליחת הפשעים כרב חסדו׃

על כן נקרבה בבטחון אל כסא החסד לשאת רחמים ולמצא חסד לעזרה בעתה׃

ברוך האלהים אבי אדנינו ישוע המשיח אשר כרב רחמיו שב והוליד אתנו לתקוה חיה בהקמת ישוע המשיח מעם המתים׃

אשר לפנים לא עם הייתם ועתה עם אלהים ואשר לפנים לא רחמו ועתה מרחמים׃

ויען ישוע ויאמר אליו אמן אמן אני אמר לך אם לא יולד איש מלמעלה לא יוכל לראות מלכות האלהים׃

ויען ישוע אמן אמן אני אמר לך אם לא יולד איש מן המים והרוח לא יוכל לבוא אל מלכות האלהים׃

וכאלה לפנים היו מקצתכם אבל רחצתם אבל קדשתם אבל הצדקתם בשם האדון ישוע וברוח אלהינו׃

למען קדשה בדברו אחרי אשר טהרה ברחיצת המים׃

וזה הוא אות הטבילה אשר כעת תושיע גם אתנו לא בהסיר טנוף הבשר כי אם בשאל לנו מאת אלהים רוח שלמה על ידי הקמת ישוע המשיח׃

לב טהור ברא לי אלהים ורוח נכון חדש בקרבי׃

ואל תשתוו לעולם הזה כי אם התחלפו בהתחדש דעתכם למען תבחנו לדעת מה הוא רצון האלהים הטוב והחמד והשלם׃

ותתחדשו ברוח שכלכם׃

ולבשתם את האדם החדש המתחדש בדעת כצלם בראו׃

נמנעו מהתחדש עוד לתשובה כי צלבו להם מחדש את בן האלהים ויתנוהו למשל׃