ויאמר הגר שפחת שרי אי מזה באת ואנה תלכי ותאמר מפני שרי גברתי אנכי ברחת׃

ויאמר לה מלאך יהוה שובי אל גברתך והתעני תחת ידיה׃

ויאמרו אליו איה שרה אשתך ויאמר הנה באהל׃

המיה היא וסררת בביתה לא ישכנו רגליה׃

אשת חיל מי ימצא ורחק מפנינים מכרה׃

גמלתהו טוב ולא רע כל ימי חייה׃

היתה כאניות סוחר ממרחק תביא לחמה׃

זממה שדה ותקחהו מפרי כפיה נטע כרם׃

טעמה כי טוב סחרה לא יכבה בליל נרה׃

כפה פרשה לעני וידיה שלחה לאביון׃

מרבדים עשתה לה שש וארגמן לבושה׃

סדין עשתה ותמכר וחגור נתנה לכנעני׃

פיה פתחה בחכמה ותורת חסד על לשונה׃

קמו בניה ויאשרוה בעלה ויהללה׃

שקר החן והבל היפי אשה יראת יהוה היא תתהלל׃

ועוד בהיותן עצלות למדו לשוטט מבית לבית ולא לבד עצלות כי אף מפטפטות ורדפות אחר חדשות ומדברות את אשר לא יתכן׃

ותלמידה ביפו ושמה טביתא תרגומו צביה והיא מלאה מעשים טובים וצדקות אשר עשתה׃

ויקם פטרוס וילך אתם ובבאו העלהו אל העליה ותנשנה אליו כל האלמנות בוכיות ומראות לו את הכתנת ואת הבגדים אשר עשתה צביה בעודה עמהן׃

ויש לה עדות על מעשיה הטובים שגדלה בנים והכניסה ארחים ירחצה את רגלי הקדשים ותמכה את העשוקים ורדפה כל מעשה טוב׃

אל האשה אמר הרבה ארבה עצבונך והרנך בעצב תלדי בנים ואל אישך תשוקתך והוא ימשל בך׃

אך חפץ אנכי שתדעו כי ראש כל איש המשיח וראש האשה האיש וראש המשיח הוא האלהים׃

נשיכם בכנסיות תשתקנה כי לא נתנה להן רשות לדבר כי אם להכנע כאשר גם אמרה התורה׃

הנשים הכנענה לבעליכן כמו לאדנינו׃

אבל כאשר תכנע העדה למשיח ככה גם הנשים לבעליהן בכל דבר׃

אתן הנשים הכנענה לבעליכן כראוי באדנינו׃

האשה תלמד דומם בכל הכנעה׃

ואינני נתן רשות לאשה ללמד אף לא להתנשא על האיש אלא תדום׃

וכן אתן הנשים הכנענה לפני בעליכן למען גם אם יש אשר אינם שמעים לדבר יקנו באין אמר ודברים על ידי מעשי הנשים׃

ופארכן אל יהי מבחוץ במחלפות שער ועדי זהב ולבישת מחלצים׃

כי כן התקשטו לפנים גם הנשים הקדשות המיחלות לאלהים בהכנען לפני בעליהן׃

אפס כי נאץ נאצת את איבי יהוה בדבר הזה גם הבן הילוד לך מות ימות׃

עד מתי אלהים יחרף צר ינאץ אויב שמך לנצח׃

כי שם האלהים בגללכם מחלל בגוים כאשר כתוב׃

על כן רצוני כי הצעירות תהיינה לאיש ללדת בנים ולהנהיג את בתיהן ולא לתת לאיב תאנה לחרף׃

כל אשר הם תחת על העבדות יחשבו את אדניהם ראוים לכל כבוד למען לא יחלל שם האלהים והלקח׃