1
לכן לכו בדרך האלהים כבנים חביבים׃
2
והתהלכו באהבה כאשר גם המשיח אהב אתנו והקריב את נפשו בעדנו לקרבן וזבח לאלהים לריח ניחוח׃
3
אבל זנות וכל טמאה ואהבת בצע בל יזכר ביניכם כאשר נאוה לקדשים׃
4
גם לא נבול פה ודברי סכלות ולעג אשר לא כהגן כי אם קול תודה׃
5
כי זאת ידע תדעו כי כל זנה וטמא ואהב בצע שהוא עבד אלילים אין לו חלק ונחלה במלכות המשיח והאלהים׃
6
אל ישיא איש אתכם בדברי ריק כי בגלל אלה חרון אלהים בא על בני המרי׃
7
על כן אל יהי חלקכם עמהם׃
8
כי מלפנים הייתם חשך ועתה הנכם אור באדנינו התהלכו נא כבני אור׃
9
כי פרי הרוח כל מעשי חסד וצדק ואמת׃
10
ובחנו מה הוא רצוי בעיני אדנינו׃
11
ואל תשתתפו עם מעשי החשך אשר לא יעשו פרי כי אם הוכח תוכיחו אותם׃