לא ימוש ספר התורה הזה מפיך והגית בו יומם ולילה למען תשמר לעשות ככל הכתוב בו כי אז תצליח את דרכך ואז תשכיל׃

כי אם בתורת יהוה חפצו ובתורתו יהגה יומם ולילה׃

יהיו לרצון אמרי פי והגיון לבי לפניך יהוה צורי וגאלי׃

פי ידבר חכמות והגות לבי תבונות׃

אם זכרתיך על יצועי באשמרות אהגה בך׃

והגיתי בכל פעלך ובעלילותיך אשיחה׃

יערב עליו שיחי אנכי אשמח ביהוה׃

זכרו נפלאותיו אשר עשה מפתיו ומשפטי פיו׃

בפקדיך אשיחה ואביטה ארחתיך׃

גם ישבו שרים בי נדברו עבדך ישיח בחקיך׃

ואשא כפי אל מצותיך אשר אהבתי ואשיחה בחקיך׃

מה אהבתי תורתך כל היום היא שיחתי׃

מכל מלמדי השכלתי כי עדותיך שיחה לי׃

קדמו עיני אשמרות לשיח באמרתך׃

זכרתי ימים מקדם הגיתי בכל פעלך במעשה ידיך אשוחח׃

ואנחנו נשקד על התפלה ועל שמוש הדבר׃

ואבקשה מכם אחי הלא ידעתם את בית אסטפנוס שהוא ראשית אכיא ויתנו את נפשם לשרות הקדשים׃

באשר ידענו כי המעיר את האדון ישוע יעיר גם אתנו על יד ישוע ויעמידנו עמכם׃

ולא כאשר הוחלנו כי אם את עצמם נתנו בראשונה לאדון וגם לנו ברצון האלהים׃

אשר נתן את נפשו בעדנו לגאלנו מכל עול ולטהר לו עם סגלה הזריז במעשים טובים׃

אם תשים כזאת לפני אחיך משרת טוב תהיה לישוע המשיח מגדל בדברי האמונה ובלקח הטוב אשר דבקת אחריו׃

כן יאר אורכם לפני בני האדם למען יראו מעשיכם הטובים ושבחו את אביכים שבשמים׃

למען תהיו נקיים וטהורים בני אלהים לא מום בם בתוך דור עקש ופתלתל אשר תאירו ביניהם כמאורת בעולם׃

מחזיקים בדבר החיים לתהלה לי ביום המשיח אשר לא לחנם רצתי ולא לריק יגעתי׃