Matthieu 25:14-30
14
כי כמו איש נסע למרחוק אשר קרא אל עבדיו וימסר להם את רכושו׃
15
ויתן לזה חמש ככרים ולזה שתים ולזה אחת לכל איש ואיש כפי ערכו וימהר ויסע משם׃
16
וילך האיש הלקח חמש ככרים ויסחר בהן ויעש לו חמש ככרים אחרות׃
17
וכן הלקח שתים גם הוא הרויח שתים אחרות׃
18
אך לקח האחת הלך ויחפר באדמה ויטמן את כסף אדניו׃
19
ואחרי ימים רבים בא אדוני העבדים ההם ויעש חשבון עמהם׃
20
ויגש הלקח חמש הככרים ויבא חמש ככרים אחרות לאמר אדני חמש ככרים מסרת לי הנה חמש ככרים אחרות הרוחתי בהן׃
21
ויאמר אליו אדניו כן העבד הטוב והנאמן כי במעט נאמן היית ועל הרבה אפקידך בוא אל שמחת אדניך׃
22
ויגש גם לקח הככרים ויאמר אדני ככרים מסרת לי הנה ככרים הרוחתי בהן׃
23
ויאמר אליו אדניו היטבת העבד הטוב והנאמן במזער נאמן היית ועל הרבה אפקידך בוא אל שמחת אדניך׃
24
ויגש גם הלקח את הככר האחת ויאמר אדני ידעתיך כי איש קשה אתה קצר באשר לא זרעת וכנס מאשר לא פזרת׃
25
ואירא ואלך ואטמן את ככרך באדמה ועתה הא לך את אשר לך׃
26
ויען אדניו ויאמר אליו העבד הרע והעצל אתה ידעת כי קצר אנכי באשר לא זרעתי וכנס מאשר לא פזרתי׃
27
לכן היה עליך לתת את כספי לשלחנים ואני בבואי הייתי לקח את אשר לי בתרבית׃
28
על כן שאו ממנו את הככר ותנו אל האיש אשר לו עשר הככרים׃
29
כי כל איש אשר יש לו ינתן לו ויעדיף והאיש אשר אין לו גם את אשר לו יקח ממנו׃
30
ואת עבד הבליעל השליכו אל החשך החיצון שם תהיה היללה וחרק השנים׃
Luc 19:12-26
12
על כן אמר איש אחד מן האדירים הלך אל ארץ רחוקה לקחת לו ממלכה ולשוב׃
13
ויקרא אל עשרה מעבדיו ויתן להם עשרה מנים ויאמר להם סחרו בהם עד באי׃
14
ובני עירו שנאים אותו וישלחו מלאכים אחריו לאמר לא נחפץ בזה כי ימלך עלינו׃
15
ויהי אחרי קחתו את הממלכה וישב ויאמר לקרא את העבדים ההם אשר נתן להם את הכסף למען ידע מה הרויח כל אחד במסחרו׃
16
ויבא הראשון ויאמר אדני מנה שלך הביא עשרת מנים׃
17
ויאמר אליו כן העבד הטוב תחת אשר היית נאמן במעט מזער היה שליט על עשר ערים׃
18
ויבא השני ויאמר אדני מנה שלך עשה חמשת מנים׃
19
ויאמר גם לזה אף אתה היה על חמש ערים׃
20
ויבא האחר ויאמר הא לך מנה שלך אשר היה אצלי צרור בסודר׃
21
מפני יראתי אתך כי אתה איש קשה לקח את אשר לא הנחת וקצר את אשר לא זרעת׃
22
ויאמר אליו מפיך אשפטך העבד הרע אתה ידעת כי אני איש קשה לקח את אשר לא הנחתי וקוצר את אשר לא זרעתי׃
23
ולמה לא נתת את כספי לשלחני ואני בבואי הייתי תובע אותו במרבית׃
24
ויאמר אל העמדים שם שאו ממנו את המנה ותנוהו אל אשר לו עשרת המנים׃
25
ויאמרו אליו אדנינו יש לו עשרת מנים׃
26
הן אני אמר לכם כי כל איש שיש לו ינתן לו ואשר אין לו יקח ממנו גם את אשר לו׃
Romains 12:6-8
6
ויש לנו מתנות שנות כפי החסד הנתן לנו אם נבואה תהי כפי מדת האמונה׃
7
ואם לאיש שמוש יעמל בשמוש ואם מורה בהוראה׃
8
ואם מוכיח בתוכחה הנותן יעשה בתם לבב והמנהיג בשקידה והגמל חסד בסבר פנים יפות׃
1 Thessaloniciens 5:19
את הרוח לא תכבו׃
2 Timothée 1:6
על כן אזכירך שתעורר את מתנת האלהים הנתונה לך בסמיכת ידי׃
1 Pierre 4:9-11
9
היו מארחים איש את רעהו בבלי תלנות׃
10
איש איש כמתן החסד אשר קבל תעזרו איש לרעהו כגזברים ממנים על חסדי אלהים הרבים׃
11
איש כי ידבר יהי כאמרי אל ואיש כי יעזר תהי עזרתו מתוך החיל אשר חננו אלהים למען יכבד אלהים בכל על ידי ישוע המשיח אשר לו הכבוד והעז לעולמי עולמים אמן׃
1 Timothée 1:18
את המצוה הזאת אני מצוך בני טימותיוס כפי הנבואות הקדמות עליך שתלחם לפיהן המלחמה הטובה׃
1 Timothée 5:22
אל תהי נמהר בסמיכת ידיך על אדם ולא תשתתף לחטאת אחרים שמר את נפשך בטהרה׃
Actes 6:6
את אלה העמידו לפני השליחים ויתפללו ויסמכו את ידיהם עליהם׃
Actes 8:17
ויסמכו את ידיהם עליהם ויקבלו את רוח הקדש׃
Actes 13:3
ויצומו ויתפללו ויסמכו את ידיהם עליהם וישלחום׃
Actes 19:6
ויסמך פולוס את ידיו עליהם ויבא עליהם רוח הקדש וימללו בלשנות ויתנבאו׃
2 Timothée 1:6
על כן אזכירך שתעורר את מתנת האלהים הנתונה לך בסמיכת ידי׃