לתורה ולתעודה אם לא יאמרו כדבר הזה אשר אין לו שחר׃

השמרו לכם מנביאי השקר הבאים אליכם בלבוש כבשים ובקרבם זאבים טרפים המה׃

כן כל עץ טוב עשה פרי טוב והמשחת עשה פרי רע׃

וכל עץ אשר לא יעשה פרי טוב יגדע וישלך באש׃

ויקרא אל כל העם ויאמר אליהם שמעו אלי כלכם והבינו׃

כל אשר אזנים לו לשמע ישמע׃

למה אף מנפשכם לא תשפטו את הישר׃

ואלה היו נדיבים מאנשי תסלוניקי ויקבלו את הדבר בכל לב וידרשו בכתובים יום יום לדעת אם כן הוא הדבר׃

ואל תשתוו לעולם הזה כי אם התחלפו בהתחדש דעתכם למען תבחנו לדעת מה הוא רצון האלהים הטוב והחמד והשלם׃

כי מי הוא בבני אדם הידע את אשר באדם בלתי אם רוח האדם אשר בקרבו כן גם לא ידע איש את אשר באלהים בלתי אם רוח האלהים׃

הן האדם הנפשי איננו מקבל את דברי רוח אלהים כי המה סכלות לו ולא יוכל להבינם באשר המה נדונים בדרך הרוח׃

אבל האדם הרוחני ידין את הכל ואותו לא ידין איש׃

ואם אין מפרש אז ידם בקהל וידבר לנפשו ולאלהים׃

ובחנו מה הוא רצוי בעיני אדנינו׃

למען תבחנו את המבחרות והייתם זכים ובלי מכשול עד יום המשיח׃

אהובי אל תאמינו לכל רוח כי אם בחנו הרוחות אם מאלהים המה כי נביאי שקר רבים יצאו לעולם׃

ידעתי את מעשיך ואת עמלך ואת סבלך וכי לא תוכל שאת את הרשעים ותנסה את האמרים שליחים אנחנו ואינם ותמצאם כזבים׃

ואשר עשה לדתן ולאבירם בני אליאב בן ראובן אשר פצתה הארץ את פיה ותבלעם ואת בתיהם ואת אהליהם ואת כל היקום אשר ברגליהם בקרב כל ישראל׃

ושמרתם את כל המצוה אשר אנכי מצוך היום למען תחזקו ובאתם וירשתם את הארץ אשר אתם עברים שמה לרשתה׃

ויאמר אלהם שימו לבבכם לכל הדברים אשר אנכי מעיד בכם היום אשר תצום את בניכם לשמר לעשות את כל דברי התורה הזאת׃

כי לא דבר רק הוא מכם כי הוא חייכם ובדבר הזה תאריכו ימים על האדמה אשר אתם עברים את הירדן שמה לרשתה׃

בני תורתי אל תשכח ומצותי יצר לבך׃

בני אל ילזו מעיניך נצר תשיה ומזמה׃

אז תלך לבטח דרכך ורגלך לא תגוף׃

החזק במוסר אל תרף נצרה כי היא חייך׃

קשרם על לבך תמיד ענדם על גרגרתך׃

כי נר מצוה ותורה אור ודרך חיים תוכחות מוסר׃

אמת קנה ואל תמכר חכמה ומוסר ובינה׃

כמעט שעברתי מהם עד שמצאתי את שאהבה נפשי אחזתיו ולא ארפנו עד שהביאתיו אל בית אמי ואל חדר הורתי׃

ויאמר ישוע אל היהודים המאמינים בו אם תעמדו בדברי באמת תלמידי אתם׃

עמדו בי ואני בכם כאשר השריג בל יעשה פרי מאליו אם לא יעמד בגפן כן גם אתם אם לא תעמדו בי׃

ויבא שמה וישמח כראתו את חסד האלהים ויזהר את כלם לדבקה באדון בלב נכון׃

ויחזקו את נפשות התלמידים ויזהירו אתם לעמד באמונה וכי רק בצרות רבות בוא נבוא אל מלכות האלהים׃

האהבה תהיה בלי חנפה שנאו את הרע ודבקו בטוב׃

על כן אחי חביבי התכוננו בל תמוטו והעדיפו בכל עת במעשה אדנינו מדעתכם כי לא לריק עמלכם באדנינו׃

רק נתהלכה באשר הגענו עדיה במעגל אחד יבלב אחד׃

ובכן אחי כל אשר הוא אמת ונכבד וישר וטהור ונעים ואשר שמעו טוב כל מעשה צדק כל מעשה שבח על אלה תשימו לבבכם׃

לכן אחי עמדו והחזיקו בקבלות אשר למדתם אם בדברנו אם באגרתנו׃

זאת אתה יודע כי פנו ממני כל אשר באסיא ובתוכם פוגלוס והרמוגניס׃

כי יש בהם הבאים בלאט אל הבתים ושבים נשים טעונות חטאים ונתעות בתאות שנות׃

אלכסנדר חרש הנחשת עשה לי רעות רבות ישלם לו יהוה כמעשיו׃

נחזיקה בהודית התקוה בל נמוט כי נאמן המבטיח׃

אפס מה שיש לכם החזיקו בו עד כי אבוא׃

זכור את אשר קבלת ושמעת ושמרה זאת ושובה ואם לא תשקד הנני בא עליך כגנב ולא תדע באי זו שעה אבא עליך׃

הנני בא מהרה החזק באשר לך למען לא יקח איש את נזרך׃