אף כי גם לי יש לבטח בבשר ואם יחשב איש שיוכל לבטח בבשר הנה אני יותר ממנו׃

לפי התורה פרוש בקנאתי רדף את העדה ולפי צדקת התורה בלי שמץ׃

וגם עודני חשב את כלן לחסרון לעמת מעלת ידיעת ישוע המשיח אדני אשר בעבורו חסרתי את נפשי מכל אלה ואחשבם לסחי להרויח את המשיח ולהמצא בו׃

לדעת אתו ואת גבורת תחיתו והתחברות ענוייו ולהדמות למותו׃

ויהי כהוציאם אתם החוצה ויאמר המלט על נפשך אל תביט אחריך ואל תעמד בכל הככר ההרה המלט פן תספה׃

ותבט אשתו מאחריו ותהי נציב מלח׃

ויען השטן את יהוה ויאמר עור בעד עור וכל אשר לאיש יתן בעד נפשו׃

כפר נפש איש עשרו ורש לא שמע גערה׃

אמת קנה ואל תמכר חכמה ומוסר ובינה׃

עוד דומה מלכות השמים לאוצר טמון בשדה אשר מצאו איש ויטמנהו ובשמחתו ילך ומכר את כל אשר לו וקנה את השדה ההוא׃

וכאשר מצא מרגלית אחת יקרה מאד הלך לו וימכר את כל אשר לו ויקן אתה׃

כי מה יועיל האדם כי יקנה את כל העולם ונפשו תשחת או מה יתן האדם פדיון נפשו׃

איש כי יבוא אלי ולא ישנא את אביו ואת אמו ואת אשתו ואת בניו ואת אחיו ואת אחיתיו ואף גם את נפשו לא יוכל להיות תלמידי׃

ככה כל איש מכם אשר לא נפטר מכל רכושו לא יוכל להיות תלמידי׃

וישבח האדון את פקיד העולה על אשר הערים לעשות כי בני העולם הזה ערומים הם בדורם מבני האור׃

ביום ההוא איש אשר יהיה על הגג וכליו בבית אל ירד לשאת אתם ואיש אשר בשדה אל ישב הביתה׃

המבקש למלט את נפשו יאבדנה ואשר יאבד אתה יהיה׃

ויהי הסער הולך וסער עלינו וממחרת הטילו את המעמסה אל הים׃

וביום השלישי הטלנו בידינו את כלי האניה אל הים׃

ויאכלו לשבעה ויקלו מעל האניה ויטילו את הצדה אל הים׃

הן מזרע היהודים אנחנו ולא חטאים מן הגוים׃

ומדעתנו כי לא יצדק אדם מתוך מעשי התורה כי אם באמונת ישוע המשיח גם אנחנו האמנו במשיח ישוע למען נצדק מאמונת המשיח ולא ממעשי התורה כי ממעשי התורה לא יצדק כל בשר׃

הנה אני פולוס אמר לכם כי אם תמולו לא יועיל לכם המשיח׃

נגזרתם מן המשיח אתם המצטדקים בתורה נפלתם מן החסד׃