35
ויגף יהוה את העם על אשר עשו את העגל אשר עשה אהרן׃
34
ועתה לך נחה את העם אל אשר דברתי לך הנה מלאכי ילך לפניך וביום פקדי ופקדתי עליהם חטאתם׃
33
ויאמר יהוה אל משה מי אשר חטא לי אמחנו מספרי׃
32
ועתה אם תשא חטאתם ואם אין מחני נא מספרך אשר כתבת׃
31
וישב משה אל יהוה ויאמר אנא חטא העם הזה חטאה גדלה ויעשו להם אלהי זהב׃
30
ויהי ממחרת ויאמר משה אל העם אתם חטאתם חטאה גדלה ועתה אעלה אל יהוה אולי אכפרה בעד חטאתכם׃
29
ויאמר משה מלאו ידכם היום ליהוה כי איש בבנו ובאחיו ולתת עליכם היום ברכה׃
28
ויעשו בני לוי כדבר משה ויפל מן העם ביום ההוא כשלשת אלפי איש׃
27
ויאמר להם כה אמר יהוה אלהי ישראל שימו איש חרבו על ירכו עברו ושובו משער לשער במחנה והרגו איש את אחיו ואיש את רעהו ואיש את קרבו׃
26
ויעמד משה בשער המחנה ויאמר מי ליהוה אלי ויאספו אליו כל בני לוי׃
25
וירא משה את העם כי פרע הוא כי פרעה אהרן לשמצה בקמיהם׃
24
ואמר להם למי זהב התפרקו ויתנו לי ואשלכהו באש ויצא העגל הזה׃
23
ויאמרו לי עשה לנו אלהים אשר ילכו לפנינו כי זה משה האיש אשר העלנו מארץ מצרים לא ידענו מה היה לו׃
22
ויאמר אהרן אל יחר אף אדני אתה ידעת את העם כי ברע הוא׃
21
ויאמר משה אל אהרן מה עשה לך העם הזה כי הבאת עליו חטאה גדלה׃
20
ויקח את העגל אשר עשו וישרף באש ויטחן עד אשר דק ויזר על פני המים וישק את בני ישראל׃
19
ויהי כאשר קרב אל המחנה וירא את העגל ומחלת ויחר אף משה וישלך מידו את הלחת וישבר אתם תחת ההר׃
18
ויאמר אין קול ענות גבורה ואין קול ענות חלושה קול ענות אנכי שמע׃
17
וישמע יהושע את קול העם ברעה ויאמר אל משה קול מלחמה במחנה׃
16
והלחת מעשה אלהים המה והמכתב מכתב אלהים הוא חרות על הלחת׃
15
ויפן וירד משה מן ההר ושני לחת העדת בידו לחת כתבים משני עבריהם מזה ומזה הם כתבים׃
