וירד יהוה לראת את העיר ואת המגדל אשר בנו בני האדם׃

ארדה נא ואראה הכצעקתה הבאה אלי עשו כלה ואם לא אדעה׃

ויאמר יהוה אל משה ראיתי את העם הזה והנה עם קשה ערף הוא׃

ועתה הניחה לי ויחר אפי בהם ואכלם ואעשה אותך לגוי גדול׃

שמעה עמי ואדברה ישראל ואעידה בך אלהים אלהיך אנכי׃

המערת פרצים היה הבית הזה אשר נקרא שמי עליו בעיניכם גם אנכי הנה ראיתי נאם יהוה׃

נאפיך ומצהלותיך זמת זנותך על גבעות בשדה ראיתי שקוציך אוי לך ירושלם לא תטהרי אחרי מתי עד׃

בבית ישראל ראיתי שעריריה שם זנות לאפרים נטמא ישראל׃

וקרבתי אליכם למשפט והייתי עד ממהר במכשפים ובמנאפים ובנשבעים לשקר ובעשקי שכר שכיר אלמנה ויתום ומטי גר ולא יראוני אמר יהוה צבאות׃

וידעת כי לא בצדקתך יהוה אלהיך נתן לך את הארץ הטובה הזאת לרשתה כי עם קשה ערף אתה׃

ומלתם את ערלת לבבכם וערפכם לא תקשו עוד׃

כי אנכי ידעתי את מריך ואת ערפך הקשה הן בעודני חי עמכם היום ממרים היתם עם יהוה ואף כי אחרי מותי׃

ולא שמעו ויקשו את ערפם כערף אבותם אשר לא האמינו ביהוה אלהיהם׃