ובתים מלאים כל טוב אשר לא מלאת וברת חצובים אשר לא חצבת כרמים וזיתים אשר לא נטעת ואכלת ושבעת׃

השמר לך פן תשכח את יהוה אשר הוציאך מארץ מצרים מבית עבדים׃

ברכי נפשי את יהוה ואל תשכחי כל גמוליו׃

ויצו את העם לשבת על הדשא ויקח את חמשת ככרות הלחם ואת שני הדגים וישא עיניו השמימה ויברך ויפרס ויתן את הלחם לתלמידים והתלמידים נתנו לעם׃

ואניות אחרות באו מטיברים קרוב למקום אשר אכלו שם את הלחם בברכת האדון׃

השמר את היום לאדון שמר אתו ואשר איננו שמר את היום לאדון איננו שמר האכל לאדון הוא אכל כי מודה הוא לאלהים ואשר איננו אכל לאדון איננו אכל ומודה הוא לאלהים׃

לכן אם תאכלו או אם תשתו או כל אשר תעשו את הכל עשו לכבוד אלהים׃

הודו על הכל כי זה רצון האלהים אליכם במשיח ישוע׃

כי כל בריאת אלהים טובה היא ואין דבר משקץ אם יאכל בתודה׃

כי יקדש בדבר אלהים ובתפלה׃

וכי מי אני ומי עמי כי נעצר כח להתנדב כזאת כי ממך הכל ומידך נתנו לך׃

ברכי נפשי את יהוה ואל תשכחי כל גמוליו׃

כבד את יהוה מהונך ומראשית כל תבואתך׃