לשמר את מצות יהוה ואת חקתיו אשר אנכי מצוך היום לטוב לך׃

אם צדקת מה תתן לו או מה מידך יקח׃

לאיש כמוך רשעך ולבן אדם צדקתך׃

אם חכמת חכמת לך ולצת לבדך תשא׃

אמרו צדיק כי טוב כי פרי מעלליהם יאכלו׃

ונתתי להם לב אחד ודרך אחד ליראה אותי כל הימים לטוב להם ולבניהם אחריהם׃

אך בקשו בראשונה את מלכות אלהים ואת צדקתו ונוסף לכם כל אלה׃

ומה אפוא הפרי שהיה לכם אז מן המעשים אשר עתה תבשו מהם כי אחריתם המות׃

אכן עתה בהיותכם משחררים מידי החטא ומשעבדים לאלהים יש לכם פריכם לקדשה ואחריתו חיי עולם׃

ועתה ישראל שמע אל החקים ואל המשפטים אשר אנכי מלמד אתכם לעשות למען תחיו ובאתם וירשתם את הארץ אשר יהוה אלהי אבתיכם נתן לכם׃

ואתם הדבקים ביהוה אלהיכם חיים כלכם היום׃

כל המצוה אשר אנכי מצוך היום תשמרון לעשות למען תחיון ורביתם ובאתם וירשתם את הארץ אשר נשבע יהוה לאבתיכם׃

ויענך וירעבך ויאכלך את המן אשר לא ידעת ולא ידעון אבתיך למען הודעך כי לא על הלחם לבדו יחיה האדם כי על כל מוצא פי יהוה יחיה האדם׃

יהוה ישמרהו ויחיהו יאשר בארץ ואל תתנהו בנפש איביו׃

השם נפשנו בחיים ולא נתן למוט רגלנו׃

עקב ענוה יראת יהוה עשר וכבוד וחיים׃

כי משה כתב על דבר הצדקה מתוך התורה אשר יעשה אתם האדם וחי בהם׃