לו חכמו ישכילו זאת יבינו לאחריתם׃

איכה ירדף אחד אלף ושנים יניסו רבבה אם לא כי צורם מכרם ויהוה הסגירם׃

לו עמי שמע לי ישראל בדרכי יהלכו׃

משנאי יהוה יכחשו לו ויהי עתם לעולם׃

לוא הקשבת למצותי ויהי כנהר שלומך וצדקתך כגלי הים׃

ואשלח אליכם את כל עבדי הנביאים השכים ושלח לאמר אל נא תעשו את דבר התעבה הזאת אשר שנאתי׃

ויבואו אליך כמבוא עם וישבו לפניך עמי ושמעו את דבריך ואותם לא יעשו כי עגבים בפיהם המה עשים אחרי בצעם לבם הלך׃

והנך להם כשיר עגבים יפה קול ומטב נגן ושמעו את דבריך ועשים אינם אותם׃

ירושלים ירושלים ההרגת את הנביאים והסקלת את השלוחים אליה כמה פעמים רציתי לקבץ את בניך כתרנגלת המקבצת את אפרחיה תחת כנפיה ולא אביתם׃

לו ידעת אף את בעוד יומך הזה את דבר שלומך ועתה נעלם מעיניך׃

לכן מליצי המשיח אנחנו וכאלו האלהים מזהיר אתכם על ידנו נבקש מכם בעד המשיח התרצו נא אל האלהים׃

ואנחנו כעזרים נזהירה אתכם שלא תקבלו לריק את חסד אלהים׃

לכן ראו פן תמאנו לשמע אל המדבר כי הן לא נמלטו המאנים לשמע אל המדבר עמהם בארץ אף אנחנו אם נמאן לשמע בקול המדבר מן השמים׃

כי האמונה היא חסן הבטחון במקוה והוכחת דברים לא נראים׃

אשרי שמרי משפט עשה צדקה בכל עת׃

אשרי תמימי דרך ההלכים בתורת יהוה׃

אף לא פעלו עולה בדרכיו הלכו׃

אחלי יכנו דרכי לשמר חקיך׃

והוא אמר ואף כי אשרי השמעים והשמרים את דבר האלהים׃

ואתם ידידי אתם אם תעשו את אשר אני מצוה אתכם׃

אשרי העשים את מצותיו למען תהיה ממשלתם בעץ החיים ובאו העירה דרך השערים׃

אני ישוע שלחתי את מלאכי להעיד לכם את אלה בפני הקהלות אנכי שרש דוד ותולדתו כוכב נגה השחר׃

וכפתחו את החותם השני ואשמע את החיה השנית אמרת בא וראה׃

והוא לבוש בלבוש מאדם בדם ושמו נקרא דבר האלהים׃

הנני בא מהר אשרי השמר את דברי נבואת הספר הזה׃

ותאמר לה נעמי חמותה בתי הלא אבקש לך מנוח אשר ייטב לך׃

גם עבדך נזהר בהם בשמרם עקב רב׃

אמרו צדיק כי טוב כי פרי מעלליהם יאכלו׃

האמר אבנה לי בית מדות ועליות מרוחים וקרע לו חלוני וספון בארז ומשוח בששר׃

התמלך כי אתה מתחרה בארז אביך הלוא אכל ושתה ועשה משפט וצדקה אז טוב לו׃

למען ייטב לך ולמען יאריכן ימיך על האדמה׃

אבל המשקיף בתורה השלמה תורת החרות ומחזיק בה אשר איננו שמע ושכח כי אם עשה בפעל אשרי האיש ההוא במעשהו׃