את יהוה אלהיך תירא אתו תעבד ובו תדבק ובשמו תשבע׃

אחרי יהוה אלהיכם תלכו ואתו תיראו ואת מצותיו תשמרו ובקלו תשמעו ואתו תעבדו ובו תדבקון׃

רק שמרו מאד לעשות את המצוה ואת התורה אשר צוה אתכם משה עבד יהוה לאהבה את יהוה אלהיכם וללכת בכל דרכיו ולשמר מצותיו ולדבקה בו ולעבדו בכל לבבכם ובכל נפשכם׃

כי אם ביהוה אלהיכם תדבקו כאשר עשיתם עד היום הזה׃

ותשנה קולן ותבכינה עוד ותשק ערפה לחמותה ורות דבקה בה׃

ותאמר רות אל תפגעי בי לעזבך לשוב מאחריך כי אל אשר תלכי אלך ובאשר תליני אלין עמך עמי ואלהיך אלהי׃

דבקה נפשי אחריך בי תמכה ימינך׃

פרשתי ידי אליך נפשי כארץ עיפה לך סלה׃

השמיעני בבקר חסדך כי בך בטחתי הודיעני דרך זו אלך כי אליך נשאתי נפשי׃

למדני לעשות רצונך כי אתה אלוהי רוחך טובה תנחני בארץ מישור׃

לך עמי בא בחדריך וסגר דלתיך בעדך חבי כמעט רגע עד יעבור זעם׃

ויאמר יהוה אלו עבר בתוך העיר בתוך ירושלם והתוית תו על מצחות האנשים הנאנחים והנאנקים על כל התועבות הנעשות בתוכה׃

ויאמר ישוע אל שנים העשר היש את נפשכם גם אתם לסור ממני׃

ואנחנו האמנו ונדע כי אתה המשיח בן אל חי׃

ויבא שמה וישמח כראתו את חסד האלהים ויזהר את כלם לדבקה באדון בלב נכון׃

האהבה תהיה בלי חנפה שנאו את הרע ודבקו בטוב׃

אלה הם אשר לא נגאלו בנשים כי בתולות המה אלה הם ההלכים אחרי השה אל כל אשר ילך אלה נקנו מתוך בני האדם לראשית בכורים לאלהים ולשה׃

וארא כסאות וישבו עליהם והמשפט נתן בידם ונפשות ההרוגים על עדות ישוע ועל דבר האלהים ואשר לא השתחוו לחיה ולצלמה ולא קבלו את תוה על מצחותם ועל ידם ויקומו ויחיו וימלכו עם המשיח אלף שנים׃