ויקח חמאה וחלב ובן הבקר אשר עשה ויתן לפניהם והוא עמד עליהם תחת העץ ויאכלו׃

מים שאל חלב נתנה בספל אדירים הקריבה חמאה׃

ודבש וחמאה וצאן ושפות בקר הגישו לדוד ולעם אשר אתו לאכול כי אמרו העם רעב ועיף וצמא במדבר׃

אל ירא בפלגות נהרי נחלי דבש וחמאה׃

חמאה ודבש יאכל לדעתו מאוס ברע ובחור בטוב׃

והיה מרב עשות חלב יאכל חמאה כי חמאה ודבש יאכל כל הנותר בקרב הארץ׃

סבבוני פרים רבים אבירי בשן כתרוני׃

בשר גבורים תאכלו ודם נשיאי הארץ תשתו אילים כרים ועתודים פרים מריאי בשן כלם׃

שמעו הדבר הזה פרות הבשן אשר בהר שמרון העשקות דלים הרצצות אביונים האמרת לאדניהם הביאה ונשתה׃

רעה עמך בשבטך צאן נחלתך שכני לבדד יער בתוך כרמל ירעו בשן וגלעד כימי עולם׃

ויאכילהו מחלב חטה ומצור דבש אשביעך׃

השם גבולך שלום חלב חטים ישביעך׃

אסרי לגפן עירה ולשרקה בני אתנו כבס ביין לבשו ובדם ענבים סותה׃

כי זה הוא דמי דם הברית החדשה הנשפך בעד רבים לסליחת חטאים׃

ואני אמר לכם כי מעתה שתה לא אשתה מתנובת הגפן הזאת עד היום ההוא אשר אשתה אתה עמכם חדשה במלכות אבי׃

כי בשרי באמת הוא מאכל ודמי באמת הוא משקה׃

האכל את בשרי ושתה את דמי הוא ילין בי ואני בו׃