ויתן משה את הגלעד למכיר בן מנשה וישב בה׃

ונבח הלך וילכד את קנת ואת בנתיה ויקרא לה נבח בשמו׃

ויהי גבולם ממחנים כל הבשן כל ממלכות עוג מלך הבשן וכל חות יאיר אשר בבשן ששים עיר׃

אלה אשר נחל משה בערבות מואב מעבר לירדן יריחו מזרחה׃

ואלה ראשי בית אבותם ועפר וישעי ואליאל ועזריאל וירמיה והודויה ויחדיאל אנשים גבורי חיל אנשי שמות ראשים לבית אבותם׃

ויער אלהי ישראל את רוח פול מלך אשור ואת רוח תלגת פלנסר מלך אשור ויגלם לראובני ולגדי ולחצי שבט מנשה ויביאם לחלח וחבור והרא ונהר גוזן עד היום הזה׃