ברוך פרי בטנך ופרי אדמתך ופרי בהמתך שגר אלפיך ועשתרות צאנך׃

לא תשתחוה להם ולא תעבדם כי אנכי יהוה אלהיך אל קנא פקד עון אבות על בנים ועל שלשים ועל רבעים לשנאי׃

מתחת שרשיו יבשו וממעל ימל קצירו׃

יהדפהו מאור אל חשך ומתבל ינדהו׃

יהיו בניו יתומים ואשתו אלמנה׃

ינקש נושה לכל אשר לו ויבזו זרים יגיעו׃

יהי אחריתו להכרית בדור אחר ימח שמם׃

יהיו נגד יהוה תמיד ויכרת מארץ זכרם׃

כלו בדמעות עיני חמרמרו מעי נשפך לארץ כבדי על שבר בת עמי בעטף עולל ויונק ברחבות קריה׃

לאמתם יאמרו איה דגן ויין בהתעטפם כחלל ברחבות עיר בהשתפך נפשם אל חיק אמתם׃

ראה יהוה והביטה למי עוללת כה אם תאכלנה נשים פרים עללי טפחים אם יהרג במקדש אדני כהן ונביא׃

אפרים כעוף יתעופף כבודם מלדה ומבטן ומהריון׃

אפרים כאשר ראיתי לצור שתולה בנוה ואפרים להוציא אל הורג בניו׃

הנני גער לכם את הזרע וזריתי פרש על פניכם פרש חגיכם ונשא אתכם אליו׃

כי הנה ימים באים ואמרו אשרי העקרות ואשרי המעים אשר לא ילדו והשדים אשר לא היניקו׃

אז יחלו לאמר אל ההרים נפלו עלינו ואל הגבעות כסונו׃

ארור אתה בעיר וארור אתה בשדה׃

ושברתי את גאון עזכם ונתתי את שמיכם כברזל ואת ארצכם כנחשה׃

ותם לריק כחכם ולא תתן ארצכם את יבולה ועץ הארץ לא יתן פריו׃

בשברי לכם מטה לחם ואפו עשר נשים לחמכם בתנור אחד והשיבו לחמכם במשקל ואכלתם ולא תשבעו׃

כי תאנה לא תפרח ואין יבול בגפנים כחש מעשה זית ושדמות לא עשה אכל גזר ממכלה צאן ואין בקר ברפתים׃